“ବିଗ୍ ବସ୍’ରେ ଏଣ୍ଟ୍ରି କଲେ ବିଶାଲ୍
ସବୁ ସିଜିନରେ ହାଇ ଟିଆରପିକୁ ନିଜ ନାଁରେ କରି ପାରୁଥିବା “ବିଗ୍ ବସ୍’ଏଥର କିନ୍ତୁ ଏହି ରେସରେ ପଛେଇ ଯାଇଛି । ଚଳିତ ସିଜିନ୍ଆଶା ମୁତାବକ ହିଟ୍ ହୋଇପାରିନାହିଁ । ତେଣୁ ନିର୍ମାତା ଶୋ’ର ଟିଆରପି ବଢ଼ାଇବା ପାଇଁ ଆପ୍ରାଣ ଉଦ୍ୟମ ଚଲାଇଛନ୍ତି । ନିକଟରେ ଶୋ’ରେ୬ ଜଣ ୱାଇଲ୍ଡ କାର୍ଡ ପ୍ରତିଯୋଗୀଙ୍କର ଏଣ୍ଟ୍ରି ହୋଇଥିଲା । ଆଉ ଏବେ ପୁଣି “ନଚ୍ ବଲିୟେ’ର ଲୋକପ୍ରିୟ ପ୍ରତିଯୋଗୀ ବିଶାଲ୍ ଆଦିତ୍ୟ ସିଂହଙ୍କର ଏଣ୍ଟ୍ରି ହୋଇଛି ।ବିଶାଲ୍ ଶୋ’ରେ ଏଣ୍ଟ୍ରି କରିଥିବାରୁ ତାଙ୍କ ଫ୍ୟାନମାନେ ବେଶ୍ ଖୁସି ଅଛନ୍ତି । କିନ୍ତୁ ସେ ବିଳମ୍ବରେ ଏଣ୍ଟ୍ରି କଲେ ବୋଲି ଫ୍ୟାନମାନେ ମନ ଖରାପ କରିଛନ୍ତି । ତେବେ ଏହାର କାରଣ ସାମ୍ନାକୁ ଆସିଯାଇଛି । “ନଚ୍ ବଲିୟେ’ରେ ବିଶାଲଙ୍କ ଦମଦାର୍ ପର୍ସନାଲିଟି ଦେଖି “ବିଗ୍ ବସ୍’ର ନିର୍ମାତା ତାଙ୍କୁପ୍ରଥମରୁ ନେବାକୁ ଚାହୁଁଥିଲେ । ହେଲେ ସେ ଅଧାରୁ, “ନଚ୍ ବଲିୟେ’ଛାଡ଼ିବାକୁ ଚାହୁଁ ନଥିଲେ । ତେଣୁ “ନଚ୍ ବଲିୟେ’ ସରିବା ପରେ ୱାଇଲ୍ଡ କାର୍ଡ ପ୍ରତିଯୋଗୀ ଭାବେ ତାଙ୍କୁ “ବିଗ୍ ବସ୍’ରେ ଏଣ୍ଟ୍ରି କରାଯାଇଛି ।ବିଶାଲ୍ ଅନ୍ୟ ୬ ଜଣ ୱାଇଲ୍ଡ କାର୍ଡ ପ୍ରତିଯୋଗୀଙ୍କ ସହ ନଭେମ୍ବର ୨ରେ “ବିଗ୍ ବସ୍’ରେ ଏଣ୍ଟ୍ରି କରିଥା’ନ୍ତେ । ହେଲେ”ନଚ୍ ବଲିୟେ’ରେ ତାଙ୍କର ପାର୍ଟନର୍ ତଥା ପ୍ରଥମ ପତ୍ନୀ ମଧୁରିମାଙ୍କ ସହ ହୋଇଥିବା କଳିଝଗଡ଼ା ଯୋଗୁ ସେ ମାନସିକ ଚାପରେ ଥିଲେ । ତେଣୁ ସେ ଶୋ’ର ନିର୍ମାତାଙ୍କୁ କିଛି ଦିନ ବ୍ରେକ୍ ମାଗିଥିଲେ । ନିର୍ମାତା ମଧ୍ୟ ଏଥିରେ ରାଜି ହୋଇଥିଲେ । ସେଥିପାଇଁ ସପ୍ତାହେ ପରେ ନଭେମ୍ବର ୯ରେ ବିଶାଲ୍ “ବିଗ୍ ବସ୍’ରେ ଗ୍ରାଣ୍ଡ ଏଣ୍ଟ୍ରି କରିଥିଲେ ।
