ବିଜେପି ଯୁବ ମୋର୍ଚ୍ଚାପକ୍ଷରୁ ବିଶାଳ ରକ୍ତ ଦାନ ଶିବିର ଅନୁଷ୍ଠିତ

ବାଲେଶ୍ୱର, (ସରୋଜ ପଣ୍ଡା):ଆଜି ସ୍ଥାନୀୟ ସହଦେବଖୁଣ୍ଟା ସ୍ଥିତ, ଫିରିଙ୍ଗି ପାଟଣା ବିଦ୍ୟାଳୟ ପରିସରରେ ବିଜେପି ଯୁବମୋର୍ଚ୍ଚା ପକ୍ଷରୁ ଏକ ବିଶାଳ ରକ୍ତ ଦାନ ଶିବିର ଅନୁଷ୍ଠିତ ହୋଇଯାଇଛି, ଜିଲ୍ଲା ବିଜେପି ଯୁବମୋର୍ଚ୍ଚା ସଭାପତି ରାଜେଶ୍ ମହାପାତ୍ରଙ୍କ ନିର୍ଦ୍ଦେଶ କ୍ରମେ ନଗର ଯୁବମୋର୍ଚ୍ଚା ସଭାପତି ଦେଵବ୍ରତ ମିଶ୍ରଙ୍କ ସଂଯୋଜନାରେ ଆୟୋଜିତ ଏହି ରକ୍ତ ଦାନ ଶିବିରକୁ ବାଲେଶ୍ଵର ସାଂସଦ ପ୍ରତାପ ଚନ୍ଦ୍ର ଷଡ଼ଙ୍ଗୀ ଫିତା କାଟି ଆନୁଷ୍ଠାନିକ ରୂପେ ଉଦଘାଟନ କରିଥିଲେ। ଜିଲ୍ଲା ବିଜେପି ସଭାପତି ଉମାକାନ୍ତ ମହାପାତ୍ର, ସରକାରୀ ଦଳର ଉପ ମୁଖ୍ୟ ସଚେତକ ତଥା ରେମୁଣା ବିଧାୟକ ଗୋବିନ୍ଦ ଚନ୍ଦ୍ର ଦାସ, ସଦର ବିଧାୟକ ମାନସ ଦତ୍ତ ପୂର୍ବ ତନ ସଦର ବିଧାୟକ ଜୀବନ ପ୍ରଦୀପ ଦାଶ, ରାଜ୍ୟ ମହିଳା ମୋର୍ଚ୍ଚା ନେତ୍ରୀ ସୁଷମା ରାଣୀ ବିଶ୍ବାଳ, ନଗର ବିଜେପି ସଭାପତି ଚିତ୍ତରଞ୍ଜନ ପଣ୍ଡା, ଉପସଭାପତି ଶଶି ଶେଖର ମହାନ୍ତି ପ୍ରମୁଖ ଯୋଗ ଦାନ କରି ସମସ୍ତ ରକ୍ତ ଦାତା ଙ୍କୁ ଉତ୍ସାହିତ କରିଥଲେ, ବାଲେଶ୍ୱର ବ୍ଲଡ଼ ବ୍ୟାଙ୍କର ମୁଖ୍ୟ ଡାକ୍ତର ବସନ୍ତ କୁମାର ଉପାଧ୍ୟାୟ ସମସ୍ତ ରକ୍ତଦାତାଙ୍କୁ ରକ୍ତ ଦାନର ମହତ୍ତ୍ୱ ବୁଝାଇ ଥିଲେ, ଦିନକୁ ଦିନ ବାଲେଶ୍ୱର ବ୍ଲଡ଼ ବ୍ୟାଙ୍କରେ ରକ୍ତର ଅଭାବ ତଥା ଥାଲାସେମିଆ ରୋଗୀଙ୍କୁ ଉନ୍ନତ ମାନର ରକ୍ତ କିପରି ମିଳି ପାରିବ ସେ ସମସ୍ତ କଥାକୁ ଆଖି ଆଗରେ ରଖି ସାରା ଜିଲ୍ଲାରେ ସମସ୍ତ ୫୦ ଗୋଟି ଜୋନରେ ଏହି ରକ୍ତ ଦାନ ଶିବିର ଆୟୋଜନ କରାଯିବା ନେଇ ଜିଲ୍ଲା ଯୁବ ମୋର୍ଚ୍ଚା ସଭାପତି ରାଜେଶ୍ ମହାପାତ୍ର କହିଥିଲେ, ଏହି ଶିବିରରେ ଜିଲ୍ଲା ଗଣମାଧ୍ୟମ ସଂଯୋଜକ ଶ୍ରୀନିବାସ ପ୍ରଧାନ, ସହ ସଂଯୋଜକ ରଣଜିତ୍ ପୃଷ୍ଟି, ସାମାଜିକ ଗଣ ମାଧ୍ୟମ ସଂଯୋଜକ ସୁମନ୍ତ ମହାଳିକ, ଜୀତେନ୍ଦ୍ର ପ୍ରହରାଜ, ସମୀର ଦାସ, ଶିବ ଶଙ୍କର ପଣ୍ଡିତ, ଜୀତେନ୍ଦ୍ର ପ୍ରମାଣିକ, ବିନୋଦ ବିହାରୀ ପଣ୍ଡା ଓ ରଞ୍ଜନ ମଲ୍ଲିକ ସହଯୋଗ କରିଥଲେ।