ବିବାହିତ ମହିଳାଙ୍କୁ ଦୁଷ୍କର୍ମ : ଜଣେ ଗିରଫ
ପାରଳାଖେମୁଣ୍ଡି, (ତାରିଣୀ ପଣ୍ଡା) :ଗଜପତି ଜିଲ୍ଲା ଗୋଷାଣୀ ବ୍ଲକ ଗାରବନ୍ଧ ଥାନା ଅନ୍ତର୍ଗତ ଲାବଣ୍ୟଗଡ ଗ୍ରାମରେ ଘଟିଥିବା ଏକ ଦୁଷ୍କର୍ମ ଘଟଣାରେ ଜଣକୁ ଗିରଫ କରି କୋର୍ଟଚାଲାଣ କରାଯାଇଥିବାର ଜଣାପଡିଛି । ଗାରବନ୍ଧ ପୋଲିସ ଥାନା ସୂତ୍ରରୁ ପ୍ରକାଶ ଯେ, ଲାବଣ୍ୟଗଡ ଗ୍ରାମର ଅଭିଯୁକ୍ତ ଏମ୍.ବାଲା (୨୨) ସେହି ଗ୍ରାମର ଜୈନେକ ବିବାହିତ ମହିଳା (୨୩)ଙ୍କୁ ଦୁଷ୍କର୍ମ କରିଥିଲେ । ଅଭିଯୋଗ ଅନୁଯାୟୀ ପୀଢିତା ବିବାହିତ ମହିଳାଙ୍କ ଘରେ କେହି ନ ଥିବାର ସୁଯୋଗ ଉଣ୍ଡି ଏପରି କାଣ୍ଡ ଭିଆଇଥିଲା ଏମ୍. ବାଲା । ଗତକାଲି ଗାରବନ୍ଧ ଥାନାରେ ପୀଢିତା ମହିଳା ଜଣକ ଲିଖିତ ଅଭିଯୋଗ କରିବା ପରେ ଅଭିଯୁକ୍ତକୁ ଗତକାଲି ରାତ୍ର ସମୟରେ ଗିରଫ କରାଯାଇଥିଲା । ଏନେଇ ୨୦/୨୨ରେ ଏକ ମାମଲା ରୁଜୁ କରାଯାଇ ଘଟଣାର ତଦନ୍ତ ଭାର ଖୋଦ୍ ଥାନା ଅଧିକାରୀ ସର୍ବେଶ୍ୱର ସାମନ୍ତରାୟ ନେଇଥିବା ବେଳେ ଅଭିଯୁକ୍ତ ଜଣକୁ ଆଜି ପାରଳାଖେମୁଣ୍ଡି କୋର୍ଟକୁ ଚାଲାଣ କରଯାଇଛି ।
