ବିବାହ କଲେ କ୍ରିକେଟର୍ ସନ୍ଦୀପ ଶର୍ମା
ହାଇଦ୍ରାବାଦ: ନିଜ ବାଂଧବୀ ତାଶା ସାତ୍ତ୍ବିକଙ୍କୁ ଜୀବନ ସାଥୀ କରିଛନ୍ତି ଭାରତୀୟ କ୍ରିକେଟର୍ ସନ୍ଦୀପ ଶର୍ମା। ଶନିବାର ଉଭୟଙ୍କ ବିବାହ ବେଳର ଫଟୋକୁ ଟ୍ବିଟ୍ କରି ଆଇପିଏଲ୍ ଦଳ ସନ୍ରାଇଜର୍ସ ହାଇଦ୍ରାବାଦ ଲେଖିଛି ‘ଏସ୍ଆର୍ଏଚ୍ରେ ସ୍ବତନ୍ତ୍ର ସଂଯୋଗ ହେଲା, ଅଭିନନ୍ଦନ ମିଷ୍ଟର ଓ ମିଷ୍ଟ୍ରେସ ଶର୍ମା। ଏ ବଂଧନ ଲମ୍ବା ରହୁ’। ଏସ୍ଆର୍ଏଚ୍ର ଏହି ଟ୍ବିଟ୍ ପରେ ପ୍ରଶଂସକମାନେ ଅଭିନନ୍ଦନର ସୁଅ ଛୁଟାଇଥିଲେ। ତାଶା ବୃତ୍ତିରେ ଜଣେ ଅଳଙ୍କାର ଡିଜାଇନର୍ ଏବଂ ଉଭୟଙ୍କ ନିର୍ବନ୍ଧ ୨୦୧୮ ମସିହାରେ ହୋଇଥିଲା। ଉଭୟଙ୍କ ସମ୍ପର୍କ ଖୋଲାଖୋଲି ହେବା ପରେ ସେମାନେ ଅନ୍ତରଙ୍ଗ ମୁହୂର୍ତର ଫଟୋ ସବୁ ସୋସିଆଲ୍ ମିଡିଆରେ ଛାଡ଼ି ପ୍ରଶଂସକଙ୍କ ପ୍ରିୟଭାଜନ ହେଉଥିଲେ। ବିବାହ ବେଳ ଫଟୋରେ ସନ୍ଦୀପ ଧଳା ସାର୍ଟ ଓ ଧଳା ଧୋତି ପରିଧାନ କରିଥିବା ବେଳେ ତାଶା ଲାଲ ରଙ୍ଗର ଶାଢ଼ୀ ପରିଧାନ କରି ଗ୍ଲାମରସ୍ ଲାଗୁଥିଲେ।
