ବିଲରେ ଧାନ କାଟିବାକୁ ଯାଇ ଭାଲୁ ଆକ୍ରମଣ ରେ ଦୁଇ ମହିଳା ଓ ଜଣେ ପୁରୁଷ ଗୁରୁତର

କେସିଙ୍ଗା, (ଯୁଗାବ୍ଦ ନ୍ୟୁଜ):କଳାହାଣ୍ଡି ଜିଲ୍ଲା କେସିଙ୍ଗା ବ୍ଳକ ଅନ୍ତର୍ଗତ ଦେ ଗାଁ ପଞ୍ଚାୟତ ର ଜାମଜୋର ରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି ଗାଁର କିଛି ମହିଳା ବିଲ କୁ ଧାନ କାଟିବାକୁ ଯାଇ ଭାଲୁ ଆକ୍ରମଣ ରେ ଗୁରୁତର ହୋଇ ଭବାନୀପାଟଣା ସରକାରୀ ଡାକ୍ତରଖାନାରେ ଚିକିତ୍ସିତ ହେଉଥିବା ଜଣାପଡ଼ିଛି। ଖବର ଅନୁସାରେ ଜାମଜୋର ଗ୍ରାମର କିଛି ମହିଳା ବିଲକୁ ଧାନ କାଟିବାକୁ ଯାଇଥିଲେ ଏହିସମୟରେ ହଠାତ ନିକଟସ୍ଥ ଜଙ୍ଗଲରୁ ଏକ ଭାଲୁ ଧାନ ବିଲରେ ପସିଆସି ଧାନ କାଟୁଥିବା ପୁରୁଷ ଓ ମହିଳା ଙ୍କୁ ଆକ୍ରମଣ କରିଥିଲା ଲୋକେ ହଠାତ ଭାଲୁ କୁ ଦେଖି ଭୟରେ ପ୍ରାଣ ବିକଳରେ ଏପଟ ସେପଟ ଦୌଡ଼ି ଜୀବନ ବଞ୍ଚାଇବାକୁ ଚେଷ୍ଟା କରୁଥିଲେ । ହେଲେ ଜାମଜୋର ଗ୍ରାମର ଜଣେ ସୁମିତ୍ରା ଗୌଡ ନାମ୍ନୀ  ମହିଳା ଭାଲୁ ହାବୁଡରେ ପଡିଯାଇଥିଲେ । ଭାଲୁ ମହିଳାଙ୍କ ମୁହଁ ରେ ଆକ୍ରମଣ କରୁଥିବା ବେଳେ ଆଉ ଜଣେ ମହିଳା ଓ ପୁରୁଷ ବଞ୍ଚାଇବାକୁ ଯିବା ବେଳେ ବଞ୍ଚାଇବାକୁ ଯାଇଥିବା ମହିଳା ଏବଂ ପୁରୁଷ ମଧ୍ଯ ଆକ୍ରମଣ କରି ଆହତ କରିଥିଲା । ପରେ ଭାଲୁ ଟି ଜଙ୍ଗଲ ଆଡକୁ ଚାଲି ଯାଇଥିଲା । ଧାନ କାଟିବାକୁ ଯାଇଥିବା ଅନ୍ୟ ସଦସ୍ୟ ଓ  ସ୍ଥାନୀୟ ଲୋକେ ଦୁଇ ମହିଳାଙ୍କୁ ଉଦ୍ଧାର କରି ତୁରନ୍ତ ୧୦୮ ଆମ୍ବୁଲାନ୍ସ ଯୋଗେ ଭବାନିପାଟଣା ମୁଖ୍ଯ ଚିକିତ୍ସାଳୟକୁ ପଠାଇଥିଲେ ହେଲେ ସୁମିତ୍ରା ଗୌଡ ଙ୍କ ଅବସ୍ଥା ସଙ୍କଟାପନ୍ନ ଥିବାରୁ ତାଙ୍କୁ ବୁର୍ଲା ମେଡ଼ିକାଲ କୁ ସ୍ଥାନାନ୍ତରିତ କରାଯାଇଛି। ଅନ୍ୟ ଦୁଇ ଗୁରୁତର ଭବାନୀପାଟଣା ରେ ଚିକିତ୍ସିତ ହେଉଥିବା ଜଣାପଡ଼ିଛି।

Spread the love

Leave a Reply

Your email address will not be published. Required fields are marked *

Advertisement

ଏବେ ଏବେ