ବି ଜେ ଡି ପକ୍ଷରୁ ଜନସମ୍ପର୍କ ପଦଯାତ୍ରା

କାଶୀନଗର, (ରାଜେଶ କୁମାର ପଟ୍ଟନାୟକ):ବି ଜେ ଡି ପକ୍ଷରୁ କାଶୀନଗର ସହରରେ ଏକ ଜନସମ୍ପର୍କ ପଦଯାତ୍ରା ଅନୁଷ୍ଠିତ ହୋଇ ଯାଇଛି ।ଏନ୍ ଏ ସି ଅଧ୍ୟକ୍ଷା ଏମ୍ . ସୁଧାରାଣୀଙ୍କ ନେତୃତ୍ୱରେ ଅନୁଷ୍ଠିତ ଉକ୍ତ କାର୍ଯ୍ୟକ୍ରମରେ ଉପାଧ୍ୟକ୍ଷ ରଘୁରାମ ସାହୁ , ଟାଉନ ସଭାପତି ଆର . ଚଲପତି , ଯୁବନେତା ତଥା ଆଇନଜୀବୀ ଏମ୍ . ପ୍ରବୀଣ କୁମାର , ଜିଲ୍ଲା ଉପ ସଭାପତି ଆର . ରାମ ପ୍ରସାଦ , ଜିଲ୍ଲା ପରିଷଦ ଅଧ୍ୟକ୍ଷ ଜି . ତିରୁପତ୍ତି ରାଓ , ଜିଲ୍ଲା ଯୁବ ସଭାପତି ଏସ୍ . ଲିଙ୍ଗରାଜୁ , ଯୁବନେତା ରୂପେଶ ପାଣିଗ୍ରାହୀ , ଆର . ସତୀଶ , ରାଜ୍ୟ ସମ୍ପାଦକ ପ୍ରଦୀପ ନାୟକ ଓ ବସନ୍ତ ଦାଶଙ୍କ ସମେତ ଶତାଧିକ ବି ଜେ ଡି ନେତା ଓ କର୍ମୀ ଯୋଗ ଦେଇଥିଲେ । ସ୍ଥାନୀୟ ଭେଙ୍କଟେଶ୍ୱର ମନ୍ଦିର ସମ୍ମୁଖରୁ ପଦଯାତ୍ରା ଆରମ୍ଭ ହୋଇ ସହର ପରିକ୍ରମା କରିବା ପରେ ସହର ଶେଷଭାଗରେ ଥିବା ଠାକୁରାଣୀ ମନ୍ଦିର ନିକଟରେ ସରିଥିଲା ।ଯାତ୍ରା ଅବସରରେ ନେତା ଓ କର୍ମୀମାନେ ରାଜ୍ୟ ସରକାରଙ୍କ ବିଭିନ୍ନ ଜନକଲ୍ୟାଣକାରୀ ଯୋଜନା ସମ୍ପର୍କରେ ଲୋକଙ୍କୁ ଅବଗତ କରାଇଥିଲେ ଓ ଘରେ ଘରେ କିପରି ଉକ୍ତ ଯୋଜନାଗୁଡିକର ସୁଫଳ ପହଂଚି ପାରିବ , ସେଥିପାଇଁ ବି ଜେ ଡି ସଂକଳ୍ପବଦ୍ଧ ବୋଲି କହିଥିଲେ ।ବିକାଶମୂଳକ କାର୍ଯ୍ୟ ସମ୍ପର୍କିତ କୌଣସି ସମସ୍ୟା ଥିଲେ ଏନ ଏ ସି ଅଧ୍ୟକ୍ଷା , ଉପାଧ୍ୟକ୍ଷ ବା ଜିଲ୍ଲା ପରିଷଦ ଅଧ୍ୟକ୍ଷଙ୍କ ଦୃଷ୍ଟିକୁ ଆଣିବା ପାଇଁ ଜନସାଧାରଣଙ୍କୁ ନିବେଦନ କରା ଯାଇଥିଲା ।