ବୃନ୍ଦାବନ ମଠରେ ଭାଗବତ ସପ୍ତା ପାରାୟଣ ଉଦଯାପିତ

ନିମାପଡ଼ା,(ସନ୍ତୋଷ ଦାଶ):ପୁରୀ ଜିଲ୍ଲା ଚାରିଛକ ଥାନା ଅନ୍ତର୍ଗତ ତୁଳସୀପୁର ଠାରେ ଥିବା ବୃନ୍ଦାବନ ମଠରେ ରବିବାର ଦିନ ଭାଗବତ ସପ୍ତା ପାରାୟଣ ପୂଜା ଉଦଯାପିତ ହୋଇଯାଇଛି । ପ୍ରତିବର୍ଷ ଭଳି ଚଳିତବର୍ଷ ଧୁମଧାମରେ ଭାଗବତ ସପ୍ତା ପାରାୟଣ ଆୟୋଜନ କରାଯାଇଥିଲା ।ଏହି ପୂଜା ଆଜକୁ ସାତ ଦିନ ଧରି ଚାଲିଥିଲା ବୋଲି ମଠ ମହନ୍ତ ବାବା ରାଧାଶ୍ୟାମ ଦାସ କହିଛନ୍ତି ।ଏହି ଭାଗବତ ସପ୍ତା ପାରାୟଣ ରେ ପ୍ରତ୍ୟେକ ଦିନ ଭାଗବତ ପାଠ ସହିତ ନାମ କୀର୍ତ୍ତନ ହୋଇଥିଲା । ଉକ୍ତ ଭାଗବତ ସପ୍ତା ପାରାୟଣ ପୂଜା ଉଦଯାପିତ କାର୍ଯ୍ୟକ୍ରମ ରେ ପୂଜକ ପୂର୍ଣ୍ଣଚନ୍ଦ୍ର ପାଢ଼ୀ ପୂଜା କାର୍ଯ୍ୟ କରିଥିଲେ ।ପବିତ୍ର ଭାଗବତ ସପ୍ତା ପାରାୟଣ କାର୍ଯ୍ୟକ୍ରମ ରେ ବିଭିନ୍ନ ଅଞ୍ଚଳରୁ ଶତାଧିକ ଭକ୍ତ ଆସି ଭାଗବତ ପାଠ ଶୁଣିବା ସହ ଠାକୁର ଙ୍କୁ ଦର୍ଶନ ଓ ପ୍ରସାଦ ସେବନ କରିଥିଲେ ।