ବେଆଇନି ଚାଲାଣ ବେଳେ ଏଆରଏସଏସ ୪ମୋରମ ବୋଝେଇ ହାଇବା ଜବତ

ଚୌଦ୍ୱାର( ସଞ୍ଜୀବ କୁମାର ତିୱାରୀ):ଟାଙ୍ଗି-ଚୌଦ୍ୱାର ତହସିଲ ପକ୍ଷରୁ ମଙ୍ଗଳବାର ବିଳମ୍ବିତ ରାତିରେ ଚଢ଼ାଉ କରାଯାଇ ବେଆଇନି ଚାଲାଣ ହେଉଥିବା ଚାରିଟି ମୋରମ ବୋଝେଇ ହାଇବା ଗାଡିକୁ ଜବତ କରାଯାଇଛି।ଜବତ ଚାରିଟି ଯାକ ଗାଡି ଏଆରଏସଏସ କମ୍ପାନୀ ର ବୋଲି ଜଣାପଡିଛି।ବିଳମ୍ବିତ ରାତିରେ ଅତିରିକ୍ତ ତହସିଲଦାର ପ୍ରସନ୍ନ ସାମନ୍ତରାୟ ଙ୍କ ନେତୃତ୍ୟରେ ଚୌଦ୍ୱାର ଥାନା ଆଗ୍ରାହାଟ ନକଟରେ ଚଢ଼ାଉ କରିଥିଲେ ।ସେଠାରୁ ଚାରିଟି ମୋରମ ବୋଝେଇ ଟ୍ରକ କୁ ଜବତ କରିଥିଲେ।ଜବତ ଟ୍ରକ ଓଆର୦୪ଡି୫୬୬୩,ଟିଏନ୪୧ଏସି୪୫୬୬,ଓଆର୦୨ବିକେ୧୯୬୩,ଓଆର୦୨ଏଏନ୩୪୬୩ ଗୁଡିକୁ ଚୌଦ୍ୱାର ଥାନା ଜିମା ଦିଆଯାଇଛି।ଘଟଣା ପରଠୁ ସମ୍ପୁକ୍ତ ଠିକା କମ୍ପାନୀର ରଜନିସ ଶର୍ମା ନାମକ କର୍ମଚାରୀ ଘଟଣାକୁ ରଫାଦଫା କରିବା ପାଇଁ ଚୌଦ୍ୱାର ଥାନା ଓ ତହସିଲ କର୍ମଚାରୀ ଙ୍କୁ ପ୍ରଭାବିତ କରିବା ପାଇଁ ଲାଗିପଡିଥିବା ଜଣାପଡିଛି।ଏଠାରେ ସୂଚନାଯୋଗ୍ୟ ଏ ଆର ଏସ ଏସ କମ୍ପାନୀ ଶଙ୍କରପୁର ଓ ମଙ୍ଗରାଜପୁର ଅଂଚଳର କେତେକ ରାଜନେତାଙ୍କୁ ହାତ କରି ବେଆଇନି ଭାବେ ହଜାର ହଜାର ଟ୍ରିପ ମୋରମ ବେଆଇନି ଭାବେ ଚାଲାଣ କରୁଛି।ଏଥିରେ ଚୌଦ୍ୱାର ଥାନା ଓ ତହସିଲ କାର୍ଯ୍ୟାଳୟ ର କିଛି କର୍ମଚାରୀ ସେମାନଙ୍କୁ ସହଯୋଗ କରୁଥିବାର ଜଣାପଡିଛି।ସେହି ବିଳମ୍ବିତ ରାତିରେ ଜାତୀୟ ରାଜପଥ୫୫ ରୁ ଏକ ବାଲି ବୋଝେଇ ହାଇବା ନ ଓଡ଼ି୧୮ଏ୯୩୪୭କୁ ମଧ୍ୟ ଅତିରିକ୍ତ ତହସିଲଦାର ଜବତ କରି ଚୌଦ୍ୱାର ଥାନା ଜିମା ଦେଇଛନ୍ତି।