ବେଦ ପ୍ରକାଶ ଅଗ୍ରୱାଲ ସ୍ମାରକୀ ସମ୍ମାନ ପାଇଲେ ଲିଲିତା ଦାସ
କେନ୍ଦ୍ରାପଡ଼ା, (ଚିତ୍ତରଞ୍ଜନ ଦାସ):ଜିଲ୍ଲା ବୋଇତ ବନ୍ଦାଣ ସମିତି,କେନ୍ଦ୍ରାପଡାର ୫୪ତମ ବୋଇତ ବନ୍ଦାଣ ଉତ୍ସବର ସ୍ୱନକ୍ଷତ୍ର ଦିବସରେ ଚଳିତ ବର୍ଷ ପ୍ରଥମ ଥର ପାଇଁ ସ୍ୱର୍ଗତ ବେଦ ପ୍ରକାଶ ଅଗ୍ରୱାଲ ସ୍ମାରକୀ ସମ୍ମାନ ୫ନମ୍ବର ଜିଲ୍ଲା ପରିଷଦ ଜୋନର ସଦସ୍ୟା ତଥା ଆଇନଜୀବୀ ସୁଶ୍ରୀ ଲିଲିତା ଦାସଙ୍କୁ ପ୍ରଦାନ କରାଯାଇଛି । କାର୍ଯ୍ୟକ୍ରମ ଦିବସରେ କୈାଣସି କାରଣ ବଶତଃ ସେ ଅନୁପସ୍ଥିତ ଥିବାରୁ ସେଦିନର ମୁଖ୍ୟ ଅତିଥି ଯୁକ୍ତରାଷ୍ଟ୍ର ଆମେରିକାସ୍ଥିତ ଆଲାସ୍କା ବିଶ୍ୱ ବିଦ୍ୟାଳୟର ଏମିରିଟସ ପ୍ରଫେସର ଡଃ. ଦେବେନ୍ଦ୍ର କୁମାର ଦାସଙ୍କ କେନ୍ଦ୍ରାପଡାସ୍ଥିତ ବାସଭବନରେ ସୁଶ୍ରୀ ଦାସଙ୍କୁ ଉକ୍ତ ଫଳକ, ଉପଢୈାକନ ଓ ପୁଷ୍ପଗୁଛ ପ୍ରଦାନ କରାଯାଇ ସମ୍ବର୍ଦ୍ଧିତ କରାଯାଇଥିଲା । ଏହି କାର୍ଯ୍ୟକ୍ରମରେ ସମିତିର ମୁଖ୍ୟ ଉପଦେଷ୍ଟା ପ୍ରଦୀପ କୁମାର ମହାନ୍ତି, ସଭାପତି ଚିନ୍ମୟ ପ୍ରସାଦ ବେହୁରା, ସାଂସ୍କୃତିକ ସମ୍ପାଦକ କମଳାକାନ୍ତ ବେହେରା ପ୍ରମୁଖ ଉପସ୍ଥିତ ଥିଲେ ।
