ବ୍ରାଉନ ସୁଗାର ବେପାରୀ ଗିରଫ

ନିମାପଡ଼ା, (ସନ୍ତୋଷ ଦାସ):ପୁରୀ ଜିଲ୍ଲା ନିମାପଡ଼ା ଅବକାରୀ ଥାନା ଭାରପ୍ରାପ୍ତ ଅଧିକାରୀ ନାରାୟଣ ବେହେରାଙ୍କ ନେତୃତ୍ୱରେ ଏକ ଟିମ ନିମାପଡ଼ା ଥାନା ଅଧୀନ ନିମାପଡ଼ା ସ୍ଵୟଂଶାସିତ ମହାବିଦୟାଳୟ ପଛପଟ ଫାଟକ ନିକଟ ରେ ଚଢ଼ାଉ କରି ସୌରଭ ଘୋଷଲ ଓରଫ ଜୋଜ ନାମକ ଜଣେ ଯୁବକ କୁ ଗିରଫ କରିଛି ।ତା ନିକଟରୁ ୭୩ ଗ୍ରାମ ବ୍ରାଉନ ସୁଗାର ସହ ଏକ ୟାମାହା ନଂ ଆର ୧୫ ମୋଟର ସାଇକେଲ ଏବଂ ୫୦୦୦ ଟଙ୍କା ଜବତ କରିଛନ୍ତି। ଏ ସଂକ୍ରାନ୍ତ ରେ ନିମାପଡା ଅବକାରୀ ଥାନା ରେ ଏକ ମାମଲା ରୁଜୁ ହୋଇଛି। କେଶ ନଂ ୧୧୩/୨୩-୨୪ । ଅଭିଯୁକ୍ତ ସୌରଭ ଓରଫ ଜୋଜକୁ ଗିରଫ କରି କୋର୍ଟ ଚାଲାଣ କରା ଯାଇଥିବା ବେଳେ ଅଭିଯୁକ୍ତର ଜାମିନ ନାମଞ୍ଜୁର ହେବାରୁ ନିମାପଡା କାରାଗାର କୁ ପଠାଇ ଦିଆଯାଇଛି ।ଜବତ ବ୍ରାଉନ ସୁଗାରର ମୂଲ୍ୟ ପ୍ରାୟ ୭,୩୦,୦୦୦ ଟଙ୍କାରୁ ଉର୍ଦ୍ଧ ହେବ ବୋଲି ଅବକାରୀ ବିଭାଗ ସୂଚନା ଦେଇଛି ।ଏହି ଚଢ଼ାଉରେ ଅବକାରୀ ଏ ଏସ ଆଇ ଜିତେନ୍ଦ୍ର କୁମାର ବେହେରା,ତପନ କୁମାର ପ୍ରଧାନ ,ସ୍ୱାଗତିକା ଘଡେ଼ଇ, ଶରତ ଚନ୍ଦ୍ର ସାହୁ ପ୍ରମୁଖ ସାମିଲ ଥିଲେ।