ବ୍ଲକ୍ ସ୍ତରିୟ ପ୍ରାଥମିକ ବୃତ୍ତି ପରୀକ୍ଷା ଫଳ ପ୍ରକାଶିତ
ଗଞ୍ଜାମ, (ବିନୋଦ ଚନ୍ଦ୍ର ପଳାଇ):ଗଞ୍ଜାମ ବ୍ଲକ୍ ଗୋଷ୍ଟୀ ଶିକ୍ଷା କାର୍ଯ୍ୟାଳୟ ତରଫରୁ ତୃତୀୟ ଓ ପଞ୍ଚମ ଶ୍ରେଣୀ ପ୍ରାଥମିକ ବୃତ୍ତି ପରୀକ୍ଷା ଫଳ ପ୍ରକାଶିତ ପାଇଛି। ପଞ୍ଚମ ଶ୍ରେଣୀ ପ୍ରାଥମିକ ବୃତ୍ତି ପରୀକ୍ଷା ରେ ଜ୍ୟୋତିର୍ମୟୀ ବେହେରା ବ୍ଲକ୍ ରେ ତୃତୀୟ ସ୍ଥାନ ଅଧିକାର କରିଛି । ଏହା ପୂର୍ବରୁ ଜ୍ୟୋତିର୍ମୟୀ ବେହେରା ତୃତୀୟ ଶ୍ରେଣୀ ବୃତ୍ତି ରେ ପ୍ରଥମ ସ୍ଥାନ ଅଧିକାର କରିଥିଲେ । ଏହି ସଫଳତା ରେ ସରସ୍ଵତୀ ଶିଶୁ ବିଦ୍ୟା ମନ୍ଦିର , ହୁମା ପ୍ରଧାନ ଶିକ୍ଷକ ଏବଂ ବର୍ତ୍ତମାନ ସତୃଷୋଲ ଆଦର୍ଶ ବିଦ୍ୟାଳୟର ଅଧ୍ୟକ୍ଷ ଏବଂ ଶିକ୍ଷକଗଣ ତାଙ୍କୁ ଶୁଭେଚ୍ଛା ବାର୍ତ୍ତା ପଠାଇବା ସହ ଛାତ୍ରୀଙ୍କର ଉଜ୍ଜ୍ୱଳ ଭବିଷ୍ୟତ ପାଇଁ କାମନା କରିଛନ୍ତି। ଜ୍ୟୋତିର୍ମୟୀଙ୍କ ପିତା ବିଦ୍ୟାଧର ବେହେରା ସୁବଳେୟା ମହାବିଦ୍ୟାଳୟର ପଦାର୍ଥ ବିଜ୍ଞାନ ର ଡେମନଷ୍ଟ୍ରେଟର ଭାବେ କାର୍ଯ୍ୟରତ , ମାତା ରଶ୍ମିତା ସାହୁ ଘରୋଇ ବିଦ୍ୟାଳୟର ଶିକ୍ଷୟିତ୍ରୀ ଭାବେ କାର୍ଯ୍ୟରତ । ମାତା , ପିତା ଓ ବିଦ୍ୟାଳୟର ଗୁରୁଙ୍କ ଆଶୀର୍ବାଦ ଯୋଗୁଁ ମୁ ଏହି ସଫଳତା ହାସଲ କରିଛି ବୋଲି ଜ୍ୟୋତିର୍ମୟୀ କହିଛନ୍ତି । ତାଙ୍କର ଏହି ସଫଳତା ସ୍ଥାନୀୟ ଅଞ୍ଚଳର ଛାତ୍ରଛାତ୍ରୀ ଙ୍କ ପାଇଁ ପ୍ରେରଣା ଯୋଗାଇଛି । ବର୍ତ୍ତମାନ ଜ୍ୟୋତିର୍ମୟୀ ସତୃଷୋଲ ଆଦର୍ଶ ବିଦ୍ୟାଳୟର ଜଣେ ମେଧାବୀ ଛାତ୍ରୀ ରୂପେ ଅଧ୍ୟୟନରତ ।
