ବ୍ଳକ କଳା ସଂସ୍କୃତି ସଂଘ ପକ୍ଷରୁ ରାଧାଶ୍ୟାମ ସାହୁ ଶର୍ମାଙ୍କୁ ସମ୍ବର୍ଦ୍ଧନା
ହିଞ୍ଜିଳିକାଟୁ, ୫ା୯(ଶେଷଦେବ ସାହୁ) : ହିଞ୍ଜିଳିକାଟୁ ବ୍ଳକ କଳାକାର ସଂସ୍କୃତି ସଂଘ ପକ୍ଷରୁ ଗୁରୁ ଦିବସ ଉପଲକ୍ଷେ ରାଜ୍ୟ ଓଡ଼ିଶା ନାଟକ ଏକାଡ଼େମୀ ପୁରସ୍କାର ପ୍ରାପ୍ତ ଦାସକାଠିଆ ଗୁରୁ ରାଧାଶ୍ୟାମ ସାହୁ ଶର୍ମାଙ୍କୁ ସମ୍ବର୍ଦ୍ଧନା ଜ୍ଞାପନ କରାଯାଇଛି । ସ୍ଥାନୀୟ ପୌରାଞ୍ଚଳ ଚନ୍ଦ୍ରକଳ୍ପେଶ୍ୱର ମନ୍ଦିର ପରିସରରେ ହିଞ୍ଜିଳି ବ୍ଳକ କଳାକାର ସଂଘ ପକ୍ଷରୁ ସଂଘ ଉପସଭାପତି ଖଡ଼ିରତ୍ନ ସିମାଞ୍ଚଳ ପଣ୍ଡିତଙ୍କ ତତ୍ୱାବଧାନରେ ଏକ ବୈଠକ ଅନୁଷ୍ଠିତ ହୋଇଯାଇଛି । ଆୟୋଜିତ ବୈଠକରେ ମୁଖ୍ୟ ଅତିଥି ଭାବେ ସୁଦର୍ଶନ ପାଣିଗ୍ରାହୀ ଓ ମୁଖ୍ୟବକ୍ତା ଭାବେ ସୁବାଷ ଚନ୍ଦ୍ର ଦାଶ ଯୋଗଦେଇ ରାଜ୍ୟ ଓଡ଼ିଶା ନାଟକ ଏକାଡ଼େମୀ ପୁରସ୍କାର ପ୍ରାପ୍ତ ଶ୍ରୀ ଶର୍ମାଙ୍କୁ ପୁଷ୍ପଗୁଚ୍ଛ ଦେଇ ସମ୍ବର୍ଦ୍ଧନା ଜ୍ଞାପନ କରିବା ସହ ସ୍ଥାନୀୟ ଅଞ୍ଚଳ ସମେତ ଗଞ୍ଜାମ ଜିଲ୍ଲାର ଗୌରବ ଅର୍ଜନ କରିଥିବାରୁ ସ୍ଥାନୀୟ ବ୍ଳକର ଉପସ୍ଥିତ ବହୁ କଳାକାର ଶ୍ରୀ ଶର୍ମାଙ୍କୁ ଶୁଭେଚ୍ଛା ଜଣାଇଥିଲେ । ତାଙ୍କରି ଆଦର୍ଶରେ ଅନୁପ୍ରାଣିତ ହୋଇ ଲୋକ କଳାକୁ ବଞ୍ଚାଇ ରଖିବା ପାଇଁ ବୈଠକରେ ମତ ପ୍ରକାଶ ପାଇଥିଲା । ଉକ୍ତ ବୈଠକରେ ଜି. ହରିବନ୍ଧୁ, ସହଦେବ ସାହୁ, ଲଡୁକିଶୋର ସେଠି, ଶରତ ଚନ୍ଦ୍ର ବିଷୋୟୀ, ସୁଦର୍ଶନ ପାଢି, ଶିଶିର କୁମାର ସାହୁ, ସନ୍ତୋଷ ସାହୁ, ଦିନବନ୍ଧୁ ବେହେରା, କମଳକାନ୍ତ ବେହେରା, କାମେଶ୍ୱର ପ୍ରଧାନ, କାହ୍ନୁଚରଣ ପ୍ରଧାନଙ୍କ ସମେତ ସ୍ଥାନୀୟ ଅଞ୍ଚଳର ବହୁ କଳାକାର ଉପସ୍ଥିତ ଥିଲେ ।
