ବ୍ଳକ କଳା ସଂସ୍କୃତି ସଂଘ ପକ୍ଷରୁ କଳାକାର ତାଲିମ ପ୍ରଦାନ
ହିଞ୍ଜିଳିକାଟୁ, (ଶେଷଦେବ ସାହୁ) : ବ୍ଳକ କଳା ସଂସ୍କୃତି ସଂଘ ପକ୍ଷରୁ ଏକ କଳାକାର ତାଲିମ ଶିବର ଅନୁଷ୍ଠିତ ହୋଇଯାଇଛି । ଶୁକ୍ରବାର ସ୍ଥାନୀୟ ପଞ୍ଚାୟତ ସମିତି କାର୍ଯ୍ୟାଳୟ ସଭାକକ୍ଷ ପ୍ରକୋଷ୍ଠରେ ସଂଘ ଉପସଭାପତି ସିମାଞ୍ଚଳ ପଣ୍ଡିତଙ୍କ ସଂଯୋଜନାରେ ଆୟୋଜିତ ତାଲିମ ଶିବିରରେ ମୁଖ୍ୟ ଅତିଥି ଭାବେ ମୁଖ୍ୟମନ୍ତ୍ରୀଙ୍କ ଜିଲ୍ଲା ପରିଷଦ ପ୍ରତିନିଧି ଶରତ ଚନ୍ଦ୍ର ମହାପାତ୍ର, ସମ୍ମାନିତ ଅତିଥି ଭାବେ ବିଡିଓ ସୁବ୍ରତ କୁମାର ଜେନା ମଞ୍ଚାସିନ ଥିଲେ । ତାଲିମଦାତା ଭାବେ ସଂଘ ପ୍ରାକ୍ତନ ଉପସଭାପତି ଉପନ୍ଦ୍ରେ ପାଣିଗ୍ରାହୀ ଓ ସମ୍ପାଦିକା ତଥା ସମାଜ କଲ୍ୟାଣ ଅଧିକାରୀଣୀ ଶୁଭଶ୍ରୀ ବେହେରା ଯୋଗଦେଇ ରାଜ୍ୟ ସରକାରଙ୍କ ବହୁ ଜନକଲ୍ୟାଣକାରୀ ଯୋଜନା ସର୍ମ୍ପକରେ କଳାକାର ମାନଙ୍କୁ ତାଲିମ ପ୍ରଦାନ କରିଥିଲେ । ବିଶେଷତଃ ମମତା ଯୋଜନା, ମିଶନଶକ୍ତି, ୫ଟି ରୂପାନ୍ତରଣ ବିଦ୍ୟାଳୟ, ବିଜୁ ସ୍ୱାସ୍ଥ୍ୟ ଯୋଜନା, କ୍ରୀଡା, କୃଷି, ଆମ ଓଡିଶା ନବୀନ ଓଡିଶା, ଲକ୍ଷ୍ମୀ ବସ୍, ଆମ ଐତିହ, ଆମ ବ୍ୟାଙ୍କ ଭଳି ବିଭିନ୍ନ ଯୋଜନା ସର୍ମ୍ପକରେ କଳାକାର ମାନଙ୍କୁ ତାଲିମ ପ୍ରଦାନ କରାଯାଇଥିଲା । ଆୟୋଜିତ ତାଲିମ ଶିବିରରେ ସ୍ଥାନୀୟ ବ୍ଳକର ବହୁ କଳାକାର ଅଂଶ ଗ୍ରହଣ କରିଥିଲେ ।
