ମଧୁବନରେ ଜନଜାତୀୟ ଗୌରବ ଦିବସ ପାଳିତ

ହାଟଡିହି, (ବିକାଶ ବିଶ୍ୱାଳ):ବିର୍ସା ମୁଣ୍ଡା ଙ୍କ ୧୫୦ତମ ଜନ୍ମ ଜୟନ୍ତୀ ଅବସରରେ ହାଟଡିହି ବ୍ଲକ ହଦଗଡ଼ ପଞ୍ଚାୟତ ମଧୁବନ ଗ୍ରାମରେ ଜନଜାତୀୟ ଗୌରବ ଦିବସ ପାଳିତ ହୋଇଯାଇଛି। ଏହି କାର୍ଯ୍ୟକ୍ରମରେ ନୋଡାଲ ଅଫିସର କ୍ଷେତ୍ରମୋହନ ମାରାଣ୍ଡି,ପିଇଓ ମହେଶ୍ବର ସାହୁ, ଏଡିଇଓ ଲକ୍ଷ୍ମୀଧର ସାହୁ, ଅଙ୍ଗନୱାଡ଼ି କର୍ମୀଙ୍କ ସମେତ ଶତାଧିକ ଆଦିବାସୀ ଭାଇ,ଭଉଣୀ,ମା ,ମାଉସୀ ମାନେ ଉପସ୍ଥିତ ଥିଲେ। ପେସା ଆଇନ ଅନୁସାରେ ଗ୍ରାମସଭାର କ୍ଷମତା ଓ ଦାୟିତ୍ଵ ଉପରେ ଆଲୋଚନା କରାଯାଇଥିଲା।ଗାଁର ସମସ୍ତ ନିଷ୍ପତି ଗ୍ରାମସଭା ଦ୍ଵାରା ଚୁଡାନ୍ତ କରାଯିବ। ଗ୍ରାମ ସଭାର ନିଷ୍ପତିକୁ ଲାଗୁ କରିବା ଓ ଏହାର ଅନୂପାଳନ କରିବା ପାଇଁ ଗ୍ରାମପଞ୍ଚାୟତ ବାଧ୍ୟ।ଏହି ସଭାରେ ପଞ୍ଚାୟତ ବିକାଶ ସୂଚୀ ହେଉଛି ଦୀର୍ଘସ୍ଥାୟୀ ବିକାଶ ଲକ୍ଷ୍ୟରେ ସ୍ଥାନୀୟକରଣ ପରିପ୍ରେକ୍ଷୀରେ ଗ୍ରାମପଞ୍ଚାୟତ ଗୁଡ଼ିକର କାର୍ଯ୍ୟ ପ୍ରଦର୍ଶନ ର ଅଗ୍ରଗତି କୁ ଆକଳନ କରିବା ପାଇଁ ଏକ ସମ୍ପୂର୍ଣ ତଥ୍ୟ ଆଧାରିତ ଅଟେ । ଜଙ୍ଗଲ ଅଧିକାର ଆଇନ ଓ ସ୍ୱଚ୍ଛତା ଶପଥ ଉପରେ ଅଧିକ ଗୁରୁତ୍ବ ଦିଆଯାଇଥିବାବେଳେ ନିଶାମୁକ୍ତ ଗ୍ରାମ ଗଢିତୋଳିବା ପାଇଁ ସମସ୍ତେ ଶପତ ଗ୍ରହଣ କରିଥିଲେ।