ମହାଲକ୍ଷ୍ମୀ ପରିବା ମାର୍କେଟରେ ଗଜଲକ୍ଷ୍ମୀ ପୂଜା
ନୀଳଗିରି,(ୱାଏନଏସ):ବାଲେଶ୍ଵର ଜିଲ୍ଲା ନୀଳଗିରି ମହାଲକ୍ଷ୍ମୀ ପରିବା ମାର୍କେଟ ପୂଜା କମିଟି ପକ୍ଷରୁ ଦ୍ୱିତୀୟ ବାର୍ଷିକ ଗଜଲକ୍ଷ୍ମୀ ପୂଜା ବୁଧବାର ଯଥାବିଧି ଅନୁଷ୍ଠିତ ହୋଇଯାଇଛି। ସୁନ୍ଦର ତୋରଣ ସାଜସଜ୍ଜା ସହିତ ଆଲୋକ ମାଳା ପୂଜା ମଣ୍ଡପର ଶୋଭା ଦ୍ଵିଗୁଣିତ କରିଛି। ଉକ୍ତ ତିଥି ଅପରାହ୍ନରେ ବ୍ରାହ୍ମଣ ଙ୍କ ଦ୍ବାରା ମନ୍ତ୍ର ପାଠ ସହ କଳସ ଯାତ୍ରା ମଣ୍ଡପ କୁ ଆସିବା ପରେ କର୍ତ୍ତା ଭାବେ କମିଟି ର ସଦସ୍ୟ ରାଜୁ ବେହେରା ଏବଂ କିଶୋର ସିଂହ ମା ଙ୍କ ପୂଜାର୍ଚ୍ଚନା କରିଥିଲେ। ପୂଜା ପରଦିନ ଅର୍ଥାତ ଆଜି କମିଟି ପକ୍ଷରୁ ପ୍ରସାଦ ସେବନ ବ୍ୟବସ୍ତା କରାଯାଇଥିଲା ଏବଂ ଆସନ୍ତା କାଲି ଅର୍ଥାତ ଶୁକ୍ରବାର ଦିନ ସନ୍ଧ୍ୟାରେ ସାଂସ୍କୃତିକ କାର୍ଯ୍ୟକ୍ରମ ଆୟୋଜିତ ହେବାକୁ ନେଇ କମିଟିର ସଭାପତି ଜଗଦୀଶ ଦାସ, ଉପସଭାପତି ଚିତ୍ତରଞ୍ଜନ ଜେନା, ସମ୍ପାଦକ ମହେଶ୍ୱର ସାହୁ, କୋଷାଧ୍ଯକ୍ଷ ପ୍ରଦୀପ ପୃଷ୍ଟି ସୂଚନା ଦେଇଛନ୍ତି। ତେବେ ମା ଙ୍କ ପୂଜାର୍ଚ୍ଚନା ରେ କମିଟି ର କାର୍ତ୍ତିକ ବାଗ,ଚିତ୍ତରଞ୍ଜନ ଜେନା, ତ୍ରିଲୋଚନ ମହାପାତ୍ର,ନରେନ୍ଦ୍ର, ଦେବାଶିଷ ସାହୁ, ଦଳେଇ, ଶରତ ସେଠୀ, ଉମାଶଙ୍କର ଦାସ, ଅରୁନ କୁମାର ନାୟକ, ସନୁ ତ୍ରିବେଦି, ପୁନିଆ ପୃଷ୍ଟି ପ୍ରମୁଖ ଉପସ୍ଥିତ ଥିବା ବେଳେ ଦୁଇ ଯୁବ ସମାଜ ସେବୀ ସବ୍ୟସାଚୀ ମହାପାତ୍ର ଓ ଶରତ ଦାସ ଙ୍କ ସହଯୋଗରେ ପ୍ରସାଦ ବଣ୍ଟନ କାର୍ଯ୍ୟକ୍ରମ ଅନୁଷ୍ଠିତ ହୋଇ ଥିଲା | ଦୁଇ ହଜାରରୁ ଉର୍ଦ୍ଧ ଶ୍ରଦ୍ଧାଳୁ ପ୍ରସାଦ ସେବନ କରିଥିବାର ଜଣା ଯାଇଛି |
