ମା’ ହାତୀଆସୁଣୀ ମହୋତ୍ସବ ଓ ସାଧୁ ସନ୍ଥ ମେଳା

ଭୁବନେଶ୍ୱର, (ଯୁଗାବ୍ଦ ନ୍ୟୁଜ):ସ୍ଥାନୀୟ ସାଲିଆ ସାହିସ୍ଥିତ ମା’ ହାତୀଆସୁଣୀଠାରେ କଣ୍ଡୁରୀ ମହାଜନ ମେମୋରିଆଲ ଟ୍ରଷ୍ଟ ପକ୍ଷରୁ ଅଧ୍ୟକ୍ଷ ବିଜୟ କୁମାର ପ୍ରଧାନଙ୍କ ସଭାପତିତ୍ୱରେ ଏକ ସାମ୍ବାଦିକ ସମ୍ମିଳନୀ ଆୟୋଜନ କରାଯଇଥିଲା । ଆସନ୍ତା ଜୁନ୍ ୨୫ ତାରିଖରେ ହତୀଆସୁଣୀ ବାବା ସ୍ୱର୍ଗତ ଲକ୍ଷ୍ମୀଧର ଦାସଙ୍କ ପ୍ରତିମୂର୍ତ୍ତି ସ୍ଥାପନ, ବିରାଟ ସାଧୁ ସନ୍ଥ ମେଳା ସହିତ ଓଡ଼ିଶାର କଳା, ସଂସ୍କୃତି, ପରମ୍ପରା ଆଧାରିତ କାର୍ଯ୍ୟକ୍ରମମାନ ଆୟୋଜିତ ହେବ ବୋଲି ଅଧ୍ୟକ୍ଷ ଶ୍ରୀଯୁକ୍ତ ପ୍ରଧାନ ସୂଚନା ପ୍ରଦାନ କରିଥିଲେ । ଉକ୍ତ କାର୍ଯ୍ୟକ୍ରମରେ ମହାମହିମ ରାଜ୍ୟପାଳ, ମହାମାନ୍ୟ ପୁରୀ ଶଙ୍କରାଚାର୍ଯ୍ୟଙ୍କ ସମେତ ବହୁ ବିଶିଷ୍ଟ ବ୍ୟକ୍ତିତ୍ୱମାନେ ଯୋଗଦାନ କରିବେ । ଏହି ଅବସରରେ ପ୍ରସାଦ ସେବନ ବ୍ୟବସ୍ଥା ସହିତ ଉକ୍ତ ପୀଠର ଉନ୍ନତି ପାଇଁ ବିହିତ ପଦକ୍ଷେପ ନିଆଯିବ । ଉକ୍ତ ସାମ୍ବାଦିକ ସମ୍ମିଳନୀରେ ଉତ୍ସବ କମିଟିର କାଳନ୍ଦୀ ପ୍ରଧାନ, ବାବୁଲା ଘଡ଼େଇ, ରଜନୀକାନ୍ତ ପ୍ରଧାନ, କୁସୁମଲତା ପତି, ଅମ୍ବିକା ମହାନ୍ତି ପ୍ରମୁଖ ଉପସ୍ଥିତ ଥିଲେ ।