ଯନ୍ତ୍ର ଚାଳିତ ପିକ୍ନିକ୍ ଟେବଲ୍
ଅଷ୍ଟ୍ରେଲିଆ : ବର୍ତ୍ତମାନ ଆରମ୍ଭ ହୋଇଯାଇଛି ପିକନିକ୍ ଋତୁ। ପ୍ରତିବର୍ଷ ଲୋକ ଚାହିଁଥାଆନ୍ତି କିଛି ନୂଆ ଅନୁଭୂତି ସାଉଁଟିବା ପାଇଁ। ଆପଣଙ୍କର ଯଦି ସେଭଳି ଜୋସ୍ ଅଛି, ଏଥିପାଇଁ ଆପଣଙ୍କୁ ଅଷ୍ଟ୍ରେଲିଆ ଯିବାକୁ ପଡ଼ିବ। ସେଠାରେ ଯନ୍ତ୍ର ଚାଳିତ ଟେବୁଲ୍ରେ ବସି ଖାଇବାର ମଜା ଉଠାଇପାରିବେ। ଅଷ୍ଟ୍ରେଲିଆରେ ରାଜ-ରାସ୍ତାରେ ମୋଟର୍ ଚାଳିତ ପିକ୍ନିକ୍ ଟେବଲ୍ର ବ୍ୟବହାର ବଢ଼ୁଛି। ଏହି ଟେବଲ୍କୁ ଏକ ପ୍ରକାରର ମୋଟର୍ ଗାଡ଼ି କୁହାଯାଇପାରେ। କାରଣ ଏହା ମୋଟର୍ ଓ ଚକ ଦ୍ୱାରା ଚାଳିତ। ଏହାକୁ ସର୍ବସାଧାରଣଙ୍କ ପାଇଁ ଉଦ୍ଦିଷ୍ଟ ରାସ୍ତାରେ ଚଳାଇବା ବିପଜ୍ଜନକ ହୋଇପାରେ। ପର୍ଥ୍ ମହାନଗରୀରେ ଏଭଳି ଯାନରେ ଯୁବକ-ଯୁବତୀମାନେ ନିଶାପାନ କରୁଥିବା ପୁଲିସ୍ର ମୁଣ୍ତ ବ୍ୟଥାର କାରଣ ହୋଇଛି। ଏଗୁଡ଼ିକ ପ୍ରକୃତ ମୋଟର୍ ଗାଡ଼ି ହୋଇ ନ ଥିବାରୁ ରାସ୍ତାରେ ଚଳାଚଳ ପାଇଁ ଅନୁମତି ଦେବା ଅନୁଚିତ। ପୁଣି, ଏଗୁଡ଼ିକ ରାସ୍ତାରେ ବ୍ୟବହାରଯୋଗ୍ୟ ନୁହେଁ। ଏଭଳି ଟେବଲ୍ରେ ବସି ରାସ୍ତାରେ ସୁରାପାନ ରୋକିବା ପାଇଁ ଆଇନରେ ବ୍ୟବସ୍ଥା ନାହିଁ। ତେଣୁ, ଏହାକୁ ନିଷିଦ୍ଧ କରିବା ପାଇଁ ଅଷ୍ଟ୍ରେଲିଆର ପୁଲିସ୍ ପ୍ରଶାସନ କର୍ତ୍ତୃପକ୍ଷ ଚିନ୍ତା କରୁଛନ୍ତି। ତଥାପି ପର୍ଯ୍ୟଟକମାନେ ଏଥିରୁ ଢେର୍ ମଜା ଉଠାଉଛନ୍ତି।
