ଯଶିପୁର ଏବଂ ଜାମଦାସାହି ଗ୍ରାମ ସପ୍ତାହ ପାଇଁ ସଟ୍ ଡାଉନ୍
ରାଇରଙ୍ଗପୁର, (ଅକ୍ଷୟ କୁମାର ବିଶ୍ୱାଳ):ମୟୂରଭଂଜ ଜିଲ୍ଲାର ପାଞ୍ଚପିଢ ଉପଖଣ୍ଡର ଯଶିପୁର ବ୍ଲକରେ କରୋନା ଆକ୍ରାନ୍ତଙ୍କ ସଂଖ୍ୟା ହୁ ହୁ ବଢି ୨୯ ଛୁଇଁଲାଣି ।ଯଶିପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଡାକ୍ତର ଏବଂ କାଉନସେଲର ଆକ୍ରାନ୍ତ ପରେ ପ୍ରଶାସନ ତରଫରୁ ୧୯ ତାରିଖରୁ ୨୨ ତାରିଖ ଦିନ ୧୨ଟା ଯାଏଁ ବନ୍ଦ କରି ଦିଆଯାଇଛି ।ସାଧାରଣ ଜନତାଙ୍କୁ ଡାକ୍ତରଖାନା ଆସିବାକୁ ମନା କରିଦିଆଯାଇଛି ।ସେହିଭଳି ଯଶିପୁର ସରପଞ୍ଚ ଶକୁନ୍ତଳା ବେଦପାଇ ଏବଂ ଜାମଦାସାହି ସରପଞ୍ଚ ଜ୍ଯୋସ୍ନାମୟୀ ନାଏକ ମିଳିତଭାବରେ ପ୍ରଶାସନ ସହିତ ଆଲୋଚନା କରି କରୋନା ସଂକ୍ରମଣକୁ ରୋକିବା ପାଇଁ ଚିଠି ନମ୍ବର ୧୦୧ ବଳରେ ସରକାରୀ ଗାଇଡ ଲାଇନ ଅନୁସାରେ ନିଜର କ୍ଷମତା ପ୍ରୟୋଗ କରି ୨୧ ତାରିଖରୁ ୨୭ ତାରିଖ ପର୍ଯ୍ୟନ୍ତ ଏକ ସପ୍ତାହ ସଟ୍ ଡାଉନ୍ ଜାରି କରିଛନ୍ତି ।ଜନ ସାଧାରଣ ଏହାକୁ ସହଯୋଗ କରିବା ପାଇଁ ଅନୁରୋଧ କରିଛନ୍ତି ।
