ଯୁବକଙ୍କୁ ହତ୍ୟା ଉଦ୍ୟମ ଫେରାର ଅଭିଯୁକ୍ତ ଗିରଫ

ଦିଗପହଣ୍ଡି,(ଅଳକ ନାଥ ମିଶ୍ର):ଗଞ୍ଜାମ ଜିଲା କୁକୁଡ଼ାଖଣ୍ଡିି ବ୍ଲକ  ଚାଞ୍ଚଡାପଲ୍ଲୀ ଗ୍ରାମର ସନ୍ତୋଷ ପ୍ରଧାନ ଙ୍କୁ ପୂର୍ବ ଶତ୍ରୁତା କୁ କେନ୍ଦ୍ରକରି  ଖଣ୍ଡା ଦ୍ଵାରା ସଂଘବଦ୍ଧ ଆକ୍ରମଣ  ମାମଲା ରେ ୧ ମାସ ହେଲା ଫେରାର ଥିବା ପେସାଦାର ଅପରାଧି କଟିକି ଓରଫ କୃଷ୍ଣ ସ୍ବାଇଁ ଙ୍କୁ ଦିଗପହଣ୍ଡି ପୋଲିସ ବୁଧବାର ଗିରଫ କରି ବ୍ରହ୍ମପୁର ସଦର କୋର୍ଟ କୁ ଚାଲାଣ କରିଛି।  ଅଭିଯୁକ୍ତ କଟିକି ଙ୍କ ନାଁ ରେ ଦିଗପହଣ୍ଡି ଥାନା ସମେତ ବ୍ରହ୍ମପୁର ସଦର ଥାନାରେ ଏକାଧିକ ସଙ୍ଗୀନ ମାମଲା ରହୁଥିବା ଜଣାପଡିଛି। ଗତ ସେପ୍ଟେମ୍ବର ୬ ତାରିଖ ସନ୍ଧ୍ୟା ପ୍ରାୟ ସାଢେ ୬ ଟା ରେ  ସନ୍ତୋଷ  ଗାଁ ରେ ଥିବା ଚୈତନ୍ୟ ଆଖଡ଼ା କୁ ଯାଉଥିବା ବେଳେ ପୂର୍ବ ଶତ୍ରୁତା କୁ କେନ୍ଦ୍ରକରି ଚାଞ୍ଚଡାପଲ୍ଲୀ ଗ୍ରାମର କଟିକିି ଓରଫ କୃଷ୍ଣ , ନିତିକେଶନ ସ୍ବାଇଁ,ନନ୍ଦନ ବେହେରା,ଟୁଲୁ ଭୁଁୟା ଏବଂ ଅନ୍ୟ ୨ ଜଣ ତାଙ୍କୁ ରାସ୍ତାରେ ଅଟକାଇ ଗାଳି ଗୁଲଜ କରିବା ସହ ତାଙ୍କ ମୋବାଇଲ ଫୋନ ଛଡାଇ ଫିଙ୍ଗି ଦେଇଥିଲେ।ପ୍ରତିବାଦ କରିବାରୁ ସେମାନେ ସଂଘବଦ୍ଧ ଭାବେ ତାଙ୍କୁ ହତ୍ୟା ଉଦ୍ୟମ  କରିଥିଲେ। ଖଣ୍ଡା ରେ ତାଙ୍କ ୨ ହାତ ଏବଂ ୨ ଗୋଡ଼ କୁ ନିର୍ଦ୍ଦୟ ଭାବେ ସେମାନେ ଚୋଟ ପରେ ଚୋଟ ପକାଇଥିଲେ।ସନ୍ତୋଷ ଅଚେତ ହୋଇ ପଡ଼ିବାରୁ ସେ ମୃତ୍ୟବରଣ କଲା ଭାବି ସେମାନେ ସେଠାରୁ ମାରଣାସ୍ତ୍ର ଧରି ଚମ୍ପଟ ମାରିଥିଲେ। ଅଭିଯୁକ୍ତ କଟିକି ପ୍ରାୟ ୧ ମାସ ପରେ ଘରକୁ ଫେରିଥିବା ଖବରପାଇ ବୁଧବାର ସକାଳେ ତଦନ୍ତକାରୀ ଅଧିକାରୀ ଏସ.ଆଇ ଜ୍ୟୋତି ରଞ୍ଜନ ବେହେରା ସଦଳବଳେ ଗାଁ ରେ ଚଢାଉ କରି କଟିକି ଙ୍କୁ ଗିରଫ କରିଥିଲେ।ପୂର୍ବରୁ ଏହି ମାମଲାରେ ନିତିକିି ଓରଫ ନିତିକେଶନ ବିଷୋୟୀ  ଙ୍କୁ ପୋଲିସ ଗିରଫ କରି କୋର୍ଟ ଚାଲାଣ କରିଥିଲେ।