ରାସ୍ତା ମରାମତି ପାଇଁ ଜିଲ୍ଲାପାଳଙ୍କୁ ଦାବିପତ୍ର ପ୍ରଦାନ
କେନ୍ଦ୍ରାପଡା (ଚିତ୍ତରଞ୍ଜନ ଦାସ) : ପୈାରାଚଂଳ ଅନ୍ତର୍ଗତ ୨୧ନମ୍ବର ୱାର୍ଡର କଜଳା ମୈାଜାର ଜ୍ଞାନପୀଠ ଛକ ଠାରୁ କଜଳା ମହାଦେବ ମନ୍ଦିର ପର୍ଯ୍ୟନ୍ତ ଯାଇଥିବା ରାସ୍ତାଟି ଅତ୍ୟନ୍ତ ଶୋଚନୀୟ ହୋଇପଡିବା ସହିତ ଗମନାଗମନ କ୍ଷେତ୍ରରେ ବହୁ ଅସୁବିଧା ସୃଷ୍ଟି ହେଉଛି । ସେହି ରାସ୍ତା ଦେଇ ଦୈନିକ ଶତାଧିକ ଲୋକ କଜଳା ଶିବ ମନ୍ଦିରକୁ ଯାଇଥାନ୍ତି । କିନ୍ତୁ ସେହି ରାସ୍ତାଟିର ଅବସ୍ଥା ଗମନାଗମନ ଅନୁପଯୁକ୍ତ ହୋଇପଡିଛି । ତେଣୁ ସେହି ରାସ୍ତାର ମରାମତି ତୁରନ୍ତ କରାଯିବାକୁ ଗ୍ରାମବାସୀଙ୍କ ପକ୍ଷରୁ ମହେନ୍ଦ୍ର କୁମାର ମିଶ୍ର, ନିରାକାର ସାହୁ, ଜୟନ୍ତୀ ବେହେରା, ମମତା ସାହୁ ପ୍ରମୁଖ ଶୁକ୍ରବାର ଜିଲ୍ଲାପାଳ ସମର୍ଥ ବର୍ମାଙ୍କୁ ଭେଟି ଦାବିପତ୍ର ପ୍ରଦାନ କରିଥିଲେ । ଜିଲ୍ଲାପାଳ ଏସମ୍ପର୍କରେ ଆବଶ୍ୟକ ପଦକ୍ଷେପ ନେବାକୁ ପ୍ରତିଶୃତି ଦେଇଥିବା ଜଣାପଡିଛି ।
