ରୋଟାରୀ କ୍ଳବ ଅଫ୍ ବ୍ରହ୍ମପୁର ଇଷ୍ଟ ତରଫରୁ

ଛତ୍ରପୁର, (ଦେବଦତ୍ତ ମହାରଣା) : ପବିତ୍ର ଶିଶୁ ଦିବସ ଅବସରରେ ରୋଟାରୀ କ୍ଳବ ଅଫ୍ ବ୍ରହ୍ମପୁର ଇଷ୍ଟ ତରଫରୁ ଛତ୍ରପୁର ବ୍ଳକ ଅନ୍ତର୍ଗତ ଟାଙ୍ଗଣାପଲ୍ଲୀ ଶ୍ରୀନୀଳକଣ୍ଠେଶ୍ୱର ବିଦ୍ୟାପୀଠରେ ଶିଶୁ ଦିବସ ପାଳନ ହୋଇ ଯାଇଛି । କ୍ଳବର ସଭାପତି କାମରାଜୁ ମହାରଣାଙ୍କ ସଭାପତିତ୍ୱ ରେ ଅନୁଷ୍ଠିତ ଏଇ ଉତ୍ସବରେ ବିଦ୍ୟାଳୟ ଭାରପ୍ରାପ୍ତ ପ୍ରଧାନ ଶିକ୍ଷକ ମୀନା କୁମାରୀ ଦାଶ ମୁଖ୍ୟ ଅତିଥି ରୂପେ ଯୋଗଦେଇ ରୋଟାରୀ କ୍ଳବର ଏଇ ଉତ୍ସବକୁ ପ୍ରଶଂସା କରିଥିଲେ ।କ୍ଳବର ପୂର୍ବତନ ସଭାପତି ଅଜିତ କୁମାର ପୃଷ୍ଟି ଓ ଗଦାଧର ରାଉଳ ରୋଟାରୀ କ୍ଳବର ବିଭିନ୍ନ ଜନହିତକର କାର୍ଯ୍ୟକ୍ରମ ଉପରେ ବକ୍ତବ୍ଯ ରଖିଥିଲେ ।ଏହି ଅବସରରେ ଛାତ୍ର ଛାତ୍ରୀ ମାନଙ୍କ ମଧ୍ୟରେ ଚିତ୍ରାଙ୍କନ, ଭାଷଣ, କଣ୍ଠ ସଂଗୀତ, ପ୍ରବନ୍ଧ ଲିଖନ ଓ ବୁଦ୍ଧି ପରୀକ୍ଷା ବିଷୟ ଉପରେ ପ୍ରତିଯୋଗିତା ପରିଚାଳନା କରାଯାଇ ପୁରଷ୍କାର ଓ ପ୍ରମାଣ ପତ୍ର ପ୍ରଦାନ କରାଯାଇଥିଲା ।ରୋଟାରୀ କ୍ଳବ ଅଫ୍ ବ୍ରହ୍ମପୁର ଇଷ୍ଟ ତରଫରୁ ଅସିତ୍ କୁମାର ଦତ୍ତ, ହୃଷିକେଶ ପ୍ରଧାନ,ସାଗର ଦାଶ କାର୍ଯ୍ୟକ୍ରମ ପରିଚାଳନା କରିଥିଲେ ଏବଂ ବିଦ୍ୟାଳୟ ତରଫରୁ ବିଷ୍ଣୁ ପ୍ରିୟା ପାଢୀ, ସୁଧାକର ବଳୀ,ଯୁଧିଷ୍ଠିର ବେହେରା, ଜୟଶ୍ରୀ ଦୋରା,ଯମୁନା ରେଡି,ଉଷାରାଣୀ ମିଶ୍ର, ଭାଗିରଥି ମିଶ୍ରଙ୍କ ସହଯୋଗର ଉତ୍ସବଟି ସରସ ସୁନ୍ଦର ଭାବେ ପରିଚାଳିତ ହୋଇଥିଲା ।ଏଇ ଉତ୍ସବରେ ଅଞ୍ଚର ବୟୋଜ୍ଯଷ୍ଠ ପ୍ରଧାନ ଶିକ୍ଷକ ଲକ୍ଷ୍ମୀନାରାୟଣ ଶତପଥୀ, ସୁନ୍ଦର ପୁର ହାଇସ୍କୁଲର ପ୍ରଧାନ ଶିକ୍ଷକ ପ୍ରକାଶ ଚନ୍ଦ୍ର ପ୍ରଧାନ,ରୋଟାରୀ କମ୍ୟୁନିଟି କର୍ପସ ସଭାପତି ତଥା ଟାଙ୍ଗଣାପଲ୍ଲୀର ପୂର୍ବତନ ସରପଞ୍ଚ ପ୍ରକାଶ ଚନ୍ଦ୍ର ବିଷୋୟୀ ସମ୍ମାନିତ ଅତିଥି ରୂପେ ଯୋଗଦେଇଥିଲ । ଭାଟକୁମରଡା ହାଇସ୍କୁଲର ଶିକ୍ଷକ ଅନ୍ତର୍ଯ୍ୟାମୀ ଗୌଡ,ହରଗୌରୀ ହାଇସ୍କୁଲର ନିରୂପା ମିଶ୍ର, ପ୍ରକାଶ ଚନ୍ଦ୍ର ପାଣିଗ୍ରାହୀ, ଜନାର୍ଦ୍ଦନ ଶତପଥୀ ପ୍ରତିଯୋଗିତା ପରିଚାଳନାରେ ବିଚାରକ ରୂପେ ସହାୟତା କରିଥିଲେ ।ଶେଷରେ ଅନ୍ତର୍ଯ୍ୟାମୀ ଶତପଥୀ ଧନ୍ୟବାଦ ଅର୍ପଣ କରିଥିଲେ ।