ଶଙ୍କଟପାଲିଆ ନିକଟରେ ବାଇକ ଧକ୍କାରେ ୬ ଗୁରୁତର

ହାଟଡିହି, (ବିକାଶ ବିଶ୍ୱାଳ):ହଦଗଡ଼ରୁ ବଣଭୋଜି କରି ଫେରିବା ବାଟରେ ଶଙ୍କଟପାଲିଆ ନିକଟରେ ଦୁଇ ବାଇକ ମଧ୍ୟରେ ମୁହାଁ ମୁହିଁ ଧକ୍କା ହେବାରୁ ୬ଜଣ ଗୁରୁତର ହୋଇଛନ୍ତି। ସୁଚ଼ନା ଅନୁଯାଇ ଭଦ୍ରକ ଜିଲ୍ଲା ବାଣତିରା ଅଞ୍ଚଳର କିଛି ଯୁବକ ବଣଭୋଜି କରିବାକୁ ହଦଗଡ଼ ଆସିଥିଲେ। ସେମାନଙ୍କ ମଧ୍ୟରୁ ଦୁଇଜଣ ଯୁବକ ଏକ ନମ୍ବର ବିହିନ ନୁଆ ବାଇକ ଧରି ଦ୍ରୁତଗତିରେ ଫେରୁଥିବାବେଳେ ଶଙ୍କଟପାଲିଆ ନିକଟରେ ନନ୍ଦିପଦା ଥାନା ଇଞ୍ଚୋଳ ଗ୍ରାମର ବାଇକ ଆରୋହୀଙ୍କୁ ଧକ୍କା ଦେଇ ରାସ୍ତାକଡ଼କୁ ଛିଟିକି ପଡିଥିଲେ। ଏଥିରେ ଇଞ୍ଚୋଳ ଗ୍ରାମର ବାଇକ ଆରୋହୀ ମନୋରଞ୍ଜନ ନାୟକ, ତାଙ୍କ ପତ୍ନୀ ଓ ଦୁଇ ଶିଶୁ ଗୁରୁତର ଆହତ ହୋଇଥିଲେ। ସେହିପରି ବାଣତୀରା ଗ୍ରାମର ଦୁଇଜଣଯାକ ଯୁବକ ଗୁରୁତର ହୋଇଛନ୍ତି। ସ୍ଥାନୀୟ ଲୋକମାନେ ସେମାନଙ୍କୁ ଉଦ୍ଧାର କରି ପ୍ରଥମେ ସୋସୋ ଓ ପରେ ଆଗରପଡା ଡାକ୍ତର ଖାନାକୁ ପଠାଇଥିଲେ। ଖବର ପାଇ ସୋସୋ ପୁଲିସ ଘଟଣା ସ୍ଥଳରେ ପହଞ୍ଚି ବାଇକ ଜବଦ୍ କରିଥିବା ଜଣାଯାଇଛି।