ଶାରଳା ମେଳାରେ ସମ୍ବର୍ଦ୍ଧନା ସଭା
ନାଉଗାଁ, (ଯୁଗାବ୍ଦ ନ୍ୟୁଜ):ଜଗତସିଂହପୁର ଜିଲ୍ଲା ନାଉଗାଁ ବ୍ଳକ ଅନ୍ତର୍ଗତ ଗଙ୍ଗଦାହାଟରେ ମା’ଶାରଳା ସାଂସ୍କୃତିକ ପରିଷଦ ପକ୍ଷରୁ ମା’ଶାରଳା ମେଳା ଅନୁଷ୍ଠିତ ହେଉଛି । ଏହି ମେଳାରେ ପରିଷଦ ପକ୍ଷରୁ ବିଭିନ୍ନ କ୍ଷେତ୍ରରେ ପାରଦର୍ଶିତା ଲାଭ କରିଥିବା ବ୍ୟକ୍ତି ବିଶେଷଙ୍କୁ ସମ୍ବର୍ଦ୍ଧିତ କରାଯିବା ପାଇଁ ବ୍ୟବସ୍ଥା କରାଯାଇଛି । ଏହି ପରିପ୍ରେକ୍ଷୀରେ ଯୁବ ବ୍ୟବସାୟୀ ତଥା ସମାଜସେବୀ ଦୀପକ ବିଶ୍ୱାଳ, ପ୍ରକୃତିବନ୍ଧୁ ପୁରସ୍କାରପ୍ରାପ୍ତ ସବେଶ୍ୱର୍ର ମହାରଣା, ପ୍ରକୃତିବନ୍ଧୁ ପୁରସ୍କାରପ୍ରାପ୍ତ ତଥା ଗ୍ରୀନ୍ ୱାରିୟର ସମ୍ମାନରେ ସମ୍ମାନିତ ହୋଇଥିବା ଲିଙ୍ଗରାଜ ସାହୁଙ୍କୁ ପରିଷଦ ପକ୍ଷରୁ ମା’ଶାରଳା ସମ୍ମାନରେ ସମ୍ମାନିତ କରାଯାଇଛି । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ତିହୁଡାସ୍ଥିତ ଗୁରୁକୃପା କୁଟୀରର ବାବା ସତ୍ୟାନନ୍ଦ ଦାସ ମହାରାଜ ଯୋଗ ଦେଇ ସମ୍ମାନିତ ହେଉଥିବା ବ୍ୟକ୍ତି ବିଶେଷଙ୍କୁ ମାନପତ୍ର ସହ ଉପଢୌକନ ଦେଇ ସମ୍ବର୍ଦ୍ଧିତ କରିଥିଲେ । ସମ୍ମାନିତ ଅତିଥି ଭାବେ ପୂର୍ବତନ ବିଧାୟକ ଡାକ୍ତର ଲଲାଟେନ୍ଦୁ ମହାପାତ୍ର, ପରିଷଦର ସଭାପତି ପଦ୍ମଚରଣ ସାସମଲ, ପରିଷଦର ସଂପାଦକ ନିରଂଜନ ମହାନ୍ତି, ମଉଳା ଭଣଜା ମହାବିଦ୍ୟାଳୟର ଅଧ୍ୟକ୍ଷ ଅଧିକାରୀ ଲେଙ୍କା, ସମାଜସେବୀ ବିଚିତ୍ର କୁମାର ପଣ୍ଡା ପ୍ରମୁଖ ଉପସ୍ଥିତ ଥିଲେ । ଏହି କାର୍ଯ୍ୟକ୍ରମକୁ ସଂଗଠନ ସଂପାଦକ ସରୋଜ କୁମାର ସାହୁ, ଅକ୍ଷୟ ବିଶ୍ୱାଳ,ଲକ୍ଷ୍ମୀଧର ସେନାପତି,ମହାଦେବ ସାହୁ,ବିବେକାନନ୍ଦ ବାରିକଙ୍କ ସମେତ ପରିଷଦର ସମସ୍ତ ସଦସ୍ୟ ପରିଚାଳନା କରୁଥିଲେ ।
