ଶିକ୍ଷକ ଓ ଅଭିଭାବକ ସମ୍ମିଳନୀ ଅନୁଷ୍ଠିତ
କ୍ଷତ୍ରୀୟବରପୁର ,(ଯୁଗାବ୍ଦ ନ୍ୟୁଜ) : କ୍ଷତ୍ରୀୟବରପୁର ସ୍ନାତକ ମହାବିଦ୍ୟାଳୟରେ ଶନିବାର ଶିକ୍ଷକ ଓ ଅଭିଭାବକ ସମ୍ମିଳନୀ ମହାବିଦ୍ୟାଳୟର ଅଧ୍ୟକ୍ଷ ଶ୍ରୀ ସୁବାସ ଚନ୍ଦ୍ର ସାମଲଙ୍କ ପୌରହିତ୍ୟରେ ଅନୁଷ୍ଠିତ ହୋଇଯାଇଛି । ଏହି ସଭାରେ ସମସ୍ତ ବିଭାଗର ଅଧ୍ୟାପକ ଓ ଅଧ୍ୟାପିକା ଯୋଗଦେଇଥିଲେ ଏବଂ ଉପସ୍ଥିତ ଅଭିଭାବକମାନେ ମହାବିଦ୍ୟାଳୟପ୍ରତି ସେମାନଙ୍କର ସୁଚିନ୍ତିତ ମତାମତ ଦେଇଥିଲେ । ଅଭିଭାବକମାନଙ୍କର ଅଭିଯୋଗ ଗୁଡିକ ପଦାର୍ଥ ବିଜ୍ଞାନ ଅଧ୍ୟାପକ ଡଃ. ଗିରିଧର ନାୟକ ଲିପିବଦ୍ଧ କରିଥିଲେ ଓ ଭବିଷ୍ୟତରେ ସେ ସଂପର୍କରେ ପଦକ୍ଷେପ ନିଆଯିବା ପାଇଁ ନିଷ୍ପତ୍ତି ହୋଇଥିଲା । ସଭାଶେଷରେ ଇଂରାଜୀ ଅଧ୍ୟାପକଶ୍ରୀ ରାମଚନ୍ଦ୍ର ମହାନ୍ତି ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।
