ଶିମିଳିପାଳ ମଧ୍ୟରେ ଅଠରଦେଉଳର ବାର୍ଷିକ ପୂଜା ଏକଲକ୍ଷ୍ୟ ରୁ ଉର୍ଦ୍ଧ ଶ୍ରଦ୍ଧାଳୁଙ୍କ ଯୋଗଦାନ

କରଞ୍ଜିଆ,(ଜିତେନ୍ଦ୍ର ରାଜ):ଶିମିଳିପାଳ ଅଭୟାରଣ୍ୟ ଆଭ୍ୟନ୍ତରୀଣ ଘଞ୍ଚ ଜଙ୍ଗଲ ପରିବେଷ୍ଟିତ ଅଞ୍ଚଳ ର ଲେମ୍ବୁଗଡା ନିକଟରେ ଥିବା ବାଥୁଡି ସମ୍ପ୍ରଦାୟ ର ଆରାଧ୍ୟ ଦେବତା ବଡାମ ଠାକୁର ଙ୍କ ବିଜେ ସ୍ଥଳୀ ଅଠରଦେଉଳ ବା ମାନବ ଦେଉଳ ଠାରେ ଅଠରଦେଉଳ ର ବାର୍ଷିକ ପୂଜା ୫ ଦିନ ବ୍ୟାପି ଆୟୋଜିତ ହୋଇଯାଇଛି ଏହି ପୂଜାରେ ରାଜ୍ୟ ତଥା ରାଜ୍ୟ ବାହାରୁ ବାଥୁଡି ସମ୍ପ୍ରଦାୟ ର ୧ ଲକ୍ଷ ଉଭୟ ପୁରୁଷ ଓ ମହିଳା ଭକ୍ତ ଙ୍କ ସମାଗମ ହୋଇଥିଲା ରାଜ୍ୟ ତଥା ରାଜ୍ୟ ବାହାରୁ ଅଠରଦେଉଳ ବାର୍ଷିକ ପୂଜା ରେ ସାମିଲ ହେବାକୁ ଆସିଥିବା ଶ୍ରଦ୍ଧାଳୁ ମାନେ ପାରମ୍ପରିକ ବସ୍ତ୍ର ପରିଧାନ ସହିତ ଜଙ୍ଗଲ ମଧ୍ୟରେ ଅସ୍ଥାୟୀ କୁଡ଼ିଆ ନିର୍ମାଣ କରି ୪ ଦିନ ରହି ଅତ୍ୟନ୍ତ ଶ୍ରଦ୍ଧା ଓ ଭକ୍ତି ର ସହିତ ପ୍ରଭୁ ବଡାମ ଓ ମାତା ବଡାମଣି ଙ୍କ ପୂଜାର୍ଚନା କରିବା ସହିତ ପାରମ୍ପରିକ ଚାଙ୍ଗୁ ନୃତ୍ୟ ରେ ମସଗୁଲ ରହିଥିବା ଦେଖିବାକୁ ମିଳିଥିଲା
ବିଶେଷ ଭାବେ ବର୍ତମାନ ଯୁବ ସମାଜ ଇଣ୍ଟରନେଟ ଓ ମୋବାଇଲ ଦୁନିଆ ଓ ପଶ୍ଚିମୀ ସଭ୍ୟତା ସହିତ ବସ୍ତ୍ର ବ୍ୟବହାର ରେ ନିଜକୁ ବ୍ୟସ୍ତ ରଖୁଥିବା ବେଳେ ବାଥୁଡି ସମାଜ ର ହଜାର ହଜାର ଯୁବକ ଯୁବତୀ ଘଞ୍ଚ ଜଙ୍ଗଲ ମଧ୍ୟରେ ଇଣ୍ଟରନେଟ ବା ମୋବାଇଲ ଦୁନିଆ ଠାରୁ ଦୂର ରେ ଖାଲି ପାଦ ରେ ପାରମ୍ପରିକ ପୋଷାକ ପରିଧାନ ସହିତ ଉପସ୍ଥିତ ରହିବା ଯୁବ ବର୍ଗ ଙ୍କ ନିଜ ସଂସ୍କୁତି ଓ ପରମ୍ପରା କୁ ସମ୍ମାନ କୁ ପ୍ରଦର୍ଶିତ କରୁଥିଲା ଯାହା ଅନ୍ୟ ସମସ୍ତ ଯୁବ ଵର୍ଗ ଙ୍କ ନିମନ୍ତେ ଆଦର୍ଶ ଉଦାହରଣ ପାଲଟିଛି ବିଗତ ବର୍ଷ ମାନଙ୍କ ତୁଳନା ରେ ଚଳିତ ବର୍ଷ ଶ୍ରଦ୍ଧାଳୁ ଙ୍କ ସଂଖ୍ୟାରେ ବୃଦ୍ଧି ହୋଇଥିବା ଅଠରଦେଉଳ ପରିଚାଳନା ସମିତି ପକ୍ଷରୁ ପ୍ରକାଶ କରାଯାଇଛି ଭକ୍ତଙ୍କ ମଧ୍ୟରେ ପାଟଣା ବିଧାୟକ ଅଖିଳ ନାଏକ, କରଞ୍ଜିଆ ର ପୂର୍ବତନ ବିଧାୟକ ବିଜୟ ନାଏକ ମଧ୍ୟ ଉପସ୍ଥିତ ରହି ପୂଜାର୍ଚନା କରିଥିଲେ ପୂର୍ବରୁ ତେଲକୋଇ ବିଧାୟକ ଡ଼ଃ ଫକୀର ମୋହନ ନାଏକ ଶିମିଳିପାଳ ପ୍ରବେଶ ପଥରେ ପାରମ୍ପରିକ ରୀତି ରେ ହଜାର ହଜାର ଶ୍ରଦ୍ଧାଳୁ ଙ୍କୁ ସ୍ୱାଗତ କରିଥିଲେ ଲକ୍ଷ ଲକ୍ଷ ଭକ୍ତ ଙ୍କ ସମାଗମ ଯୋଗୁ ଜିଲ୍ଲା ପ୍ରଶାସନ ଓ ଜଙ୍ଗଲ ବିଭାଗ ସହଯୋଗ ରେ ଖୋଳା ଯାଇଥିବା ୪ ଟି ନଳକୂପ ର ଜଳ ପର୍ଯ୍ୟାପ୍ତ ନହେବାରୁ ଭକ୍ତ ମାନେ ଦୀର୍ଘ କଷ୍ଟ ଦାୟକ ରାସ୍ତା ପାରି ହୋଇ ନିକଟସ୍ଥ ଝରଣା ରୁ ଜଳ ସଂଗ୍ରହ କରିଅଣୁଥିବା ଦେଖିବାକୁ ମିଳିଥିଲା
ଅଠରଦେଉଳ ପରିଚାଳନା ସମିତି ପକ୍ଷରୁ ଜଳ ସମସ୍ୟାର ସମାଧାନ ଓ ଅଠରଦେଉଳ କୁ ଆସିଥିବା ରାସ୍ତା କୁ ଅଳ୍ପ ଚଉଡା କରିବା ନିମନ୍ତେ ମୟୁରଭଞ୍ଜ ଜିଲ୍ଲାପାଳ ଓ ଜଙ୍ଗଲ ବିଭାଗ ସହିତ ଆଲୋଚନା କରି ସମାଧାନ କରିବାକୁ କମିଟି ପକ୍ଷରୁ ନିଷ୍ପତି ହୋଇଥିବା ସୂଚନା ଦିଆଯାଇଛି ଯଶିପୁର ବିଡ଼ିଓ ମାଧବ ଚନ୍ଦ୍ର ବିରୁଆ, ଯଶିପୁର ଥାନା ଅଧିକାରିଣୀ ସଂଯୁକ୍ତା ମହାଳିକ ଉପସ୍ଥିତ ରହି ସ୍ଥିତି ତଦାରଖ କରିଥିଲେ
ଅଠରଦେଉଳ ପରିଚାଳନା ସମିତି ସଭାପତି ଦେବେନ୍ଦ୍ର ନାଥ ନାଏକ, ଉପସଭାପତି ମିନତୀ ନାଏକ, ଉପଦେଷ୍ଟା ବିନୋଦ ବିହାରୀ ନାଏକ,ଉପସଭାପତି ରଣଜିତ ସଂକ୍ଷିଆଳ, ରମେଶ ଚନ୍ଦ୍ର ନାଏକ,ସହ ସମ୍ପାଦକ ବ୍ରହ୍ମାନନ୍ଦ ନାଏକ ପ୍ରମୁଖ ଙ୍କ ସହିତ ଅନ୍ୟ ସମସ୍ତ କାର୍ଯ୍ୟକର୍ତା ଓ ସଦସ୍ୟ ସମସ୍ତ ୫ ଦିନ ଅଠରଦେଉଳ ଠାରେ ଉପସ୍ଥିତ ରହି ସହଯୋଗ କରୁଥିବା ଦେଖିବାକୁ ମିଳିଥିଲା.