ଶିଳ୍ପାଞ୍ଚଳରେ ସ୍ୱଚ୍ଛତାର ଚିତ୍ର

(ଯୁଗାବ୍ଦ ନ୍ୟୁଜ୍‌) ଗାନ୍ଧୀ ୧୫୦ତମ ଜନ୍ମ ବାର୍ଷିକୀ ଅବସରରେ କେନ୍ଦ୍ର ତଥା ରାଜ୍ୟ ସରକାରଙ୍କ ତରଫରୁ ବ୍ୟାପକ ସ୍ୱଚ୍ଛତା ଉପରେ ଗୁରୁତ୍ୱ ଦିଆଯାଉଥିବା ବେଳେ ଖୋର୍ଦ୍ଧା ବରୁଣେଇ ପୀଠ ସନ୍ନିକଟ ଶିଳ୍ପାଞ୍ଚଳରେ SMS ନିକଟରେ କିପରି ସ୍ୱଚ୍ଛତା ରହିଛି, ନ ଦେଖିଲେ ବିଶ୍ୱାସ କରିହେବନି! ବର୍ଷର ବିଭିନ୍ନ ସମୟରେ ସ୍କାଉଟ୍ ଓ ଗାଇଡ଼୍ କାର୍ଯ୍ୟକ୍ରମରେ ଯୋଗଦାନ କରି ଶିବିରାର୍ଥୀମାନେ ସ୍ୱଚ୍ଛତା ଅଭିଯାନକୁ କାର୍ଯ୍ୟକ୍ରମର ଏକ ମୁଖ୍ୟ ଅଂଶ ଭାବେ ଗ୍ରହଣ କରି ସେ ଅଂଚଳରେ ସଫେଇ କାର୍ଯ୍ୟ କରି ସ୍ୱଚ୍ଛତାର ବାର୍ତ୍ତା ପ୍ରଚାର କରିଥାନ୍ତି । ମାତ୍ର କ୍ଷୋଭର କଥା ସେହି ତାଲିମ କେନ୍ଦ୍ର ସମ୍ମୁଖରେ ପୌରସଂସ୍ଥା ନାମରେ କିଛି ବ୍ୟକ୍ତି କୁଢ଼ କୁଢ଼ ଆବର୍ଜନା ଜମା କରି ଏକ ପୁତିଗନ୍ଧମୟ ପରିସ୍ଥିତି ସୃଷ୍ଟି କରିଚାଲିଛନ୍ତି । ବାରମ୍ବାର ଅଭିଯୋଗ କଲେ ମଧ୍ୟ ବିଭାଗୀୟ କର୍ତ୍ତୃପକ୍ଷ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରୁନାହାନ୍ତି । ଆସନ୍ତା ମାସରେ ସେହି କେନ୍ଦ୍ରରେ ଜାତୀୟ ସ୍ତରୀୟ ଶିବିର କାର୍ଯ୍ୟକ୍ରମ ହେବାକୁ ଥିବାରୁ ଭାରତର ବିଭିନ୍ନ ପ୍ରଦେଶ ସମେତ ବାହାର ଦେଶରୁ ସ୍କାଉଟ୍‌, ଗାଇଡ଼୍ ଏବଂ ବହୁ ମନ୍ତ୍ରୀ ତଥା ପଦସ୍ଥ ଅଧିକାରୀ ଯୋଗଦାନ କରିବାର କାର୍ଯ୍ୟକ୍ରମ ରହିଛି । ଏପରିସ୍ଥଳେ ସେ ଅଂଚଳର ସ୍ୱଚ୍ଛତା ପ୍ରତି କର୍ତ୍ତୃପକ୍ଷ ଦୃଷ୍ଟି ଦେବାକୁ ସାଧାରଣରେ ଦାବି ହେଉଛି ।

Spread the love

Leave a Reply

Your email address will not be published. Required fields are marked *

Advertisement

ଏବେ ଏବେ