ଶିଶୁପ୍ରିୟ ଗ୍ରାମ ପଞ୍ଚାୟତ ସଚେତନତା କର୍ମଶାଳା

ହାଟଡିହି, (ବିକାଶ ବିଶ୍ୱାଳ):କେନ୍ଦୁଝର ଜିଲା ହାଟଡିହି ବ୍ଲକର ବୈଠକଗୃ ହରେ ଶିଶୁ ପ୍ରିୟ ଗ୍ରାମ ପଞ୍ଚାୟତ ସଚେତନତା କର୍ମଶାଳା ଅନୁଷ୍ଠିତ ହୋଇଯାଇଛି। ବୈଠକରେ ବିଡିଓ ସୋମ୍ୟଶ୍ରୀ ପାଣିଗ୍ରାହୀ, ଜିପିଓ ଶରତ ବେଜ୍, ବଞ୍ଚୋ ସେକ୍ଟର ସୁପର ଭାଇଜର ତଥା ସିଡିପିଓଙ୍କ ପ୍ରତିନିଧୂ ଭାବେ ନିରୁପମା ରାଉତ ଉପସ୍ଥିତ ରହି ଶିଶୁପ୍ରିୟ ଗ୍ରାମ ପଞ୍ଚାୟତ ଗଠନ ସମ୍ପର୍କରେ ସଚେତନ‌ତା କରାଇଥିଲେ। ଏଥିରେ ସୁସ୍ଥ ସମାଜ ଗଠନ କରିବା ସହିତ, ପୃଷ୍ଟିଯୁକ୍ତ ଶିଶୁ, ବାଲ୍ୟ ବିବାହ ପ୍ରତିରୋଧ, ଯୁବତୀଙ୍କୁ ସ୍ବାବଲମ୍ବୀ କରିବା ଆଦି ବିଭିନ୍ନ କାର୍ଯ୍ୟକ୍ରମ ସମ୍ପର୍କରେ ଆଲୋଚନା କରି ସଚେତନତା କରାଯାଇଥିଲା। ବୈଠକରେ ଅଳ୍ପ କିଛି ହାତଗଣତି ସରପଞ୍ଚ ଉପସ୍ଥିତ ଥିବାବେଳେ ବିଭିନ୍ନ ପଞ୍ଚାୟତ ରେ କାର୍ଯ୍ୟରତ ସିଆରପି, ଏମବିକେ, ଏଏନଏମ, ଆଶା ଆଦି ଉପସ୍ଥିତ ଥିଲେ। ସିପି ସୁବ୍ରତ ନାୟକ, ସହକାରୀ ସିପି ପ୍ରଶାନ୍ତ ସେଠୀ, ଜ୍ୟୋତି ରଞ୍ଜନ ମିଶ୍ର ପ୍ରମୁଖ କାର୍ଯକ୍ରମ ପରିଚାଳନା କରିଥିଲେ।