ଶ୍ରୀଜଗନ୍ନାଥ ମହାବିଦ୍ୟାଳୟରେ ଦର୍ଶନଶାସ୍ତ୍ର ବିଭାଗର ବାର୍ଷିକ ପାଠଚକ୍ର

ନାଉଗାଁ, (ଯୁଗାବ୍ଦ ନ୍ୟୁଜ):ନାଉଗାଁ ବ୍ଲକ ଅନ୍ତର୍ଗତ ଶ୍ରୀଜଗନ୍ନାଥ ମହାବିଦ୍ୟାଳୟର ଦର୍ଶନଶାସ୍ତ୍ର ବିଭାଗ ପକ୍ଷରୁ ଶୀର୍ଷକ ‘ଭାରତୀୟ ଦର୍ଶନରେ ମୁକ୍ତିର ସଂକଳ୍ପ’ ବିଷୟ ଉପରେ ବାର୍ଷିକ ପାଠଚକ୍ର ଅନୁଷ୍ଠିତ ହୋଇଯାଇଛି । ବିଭାଗୀୟ ମୁଖ୍ୟ ପ୍ରାଧ୍ୟାପକ ବିଜୟ କୁମାର ସାହୁଙ୍କ ଅଧ୍ୟକ୍ଷତାରେ ଆୟୋକିତ ପାଠଚକ୍ର କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଅଧ୍ୟକ୍ଷ ଡା. ଚାଇନା ପ୍ରଧାନ ଯୋଗ ଦେଇ ଭାରତୀୟ ଦର୍ଶନର ବାସ୍ତବ ରୂପାୟନ ସମାଜରେ ନୂତନ ଏକ ପରିର୍ବତନ ଆଣିବା ସହିତ ପୁରାତନ ଓ ନୂତନତା ମଧ୍ୟରେ ସମାଜକୁ ପ୍ରଗତିଶୀଳ କରାଇବ ବୋଲି କହିଥିଲେ । ଉକ୍ତ ସଭାରେ ପ୍ରାଧ୍ୟାପକ ବିଭୁତି ଭୂଷଣ ସ୍ୱାଇଁ, ପ୍ରାଧ୍ୟାପକ ଜ୍ୟୋତିପ୍ରକାଶ ଲେଙ୍କା, ପ୍ରାଧ୍ୟାପକ ଚନ୍ଦ୍ରଶେଖର ପୁହାଣ, ଅଧ୍ୟାପକ ପ୍ରଭାତ କୁମାର ଶତପଥି, ତୁଷାରକାନ୍ତ ଦାସ, ଖେଳ ପ୍ରଶିକ୍ଷକ ସୁଧାଂଶୁ ମୋହନ ନାୟକ ପ୍ରମୁଖ ଯୋଗଦାନ କରି ବିଷୟବସ୍ତୁ ଉପରେ ମତବ୍ୟକ୍ତ କରିଥିଲେ । ବିଭାଗୀୟ ମୁଖ୍ୟ ପ୍ରାଧ୍ୟାପକ ସାହୁଙ୍କ ପ୍ରତ୍ୟକ୍ଷ ତତ୍ୱାବଧାନରେ ବିଭାଗର ସମସ୍ତ ଛାତ୍ରଛାତ୍ରୀମାନେ ପାଠ୍ୟଚକ୍ରରେ ଅଂଶ ଗ୍ରହଣ କରିଥିଲେ । ଉକ୍ତ ପାଠ୍ୟଚକ୍ରକୁ ଅଧ୍ୟାପକ ଅନ୍ତର୍ଯ୍ୟାମୀ ଦିକ୍ଷିତ୍ ପରିଚାଳନା କରିଥିବା ବେଳେ କର୍ମଚାରୀ ସରୋଜ କୁମାର ଲେଙ୍କାଙ୍କ ସମେତ ଅନ୍ୟ କର୍ମଚାରୀ ସହଯୋଗ କରିଥିଲେ । ଶେଷରେ ଅଧ୍ୟାପିକା ଅରୁନ୍ଧତୀ ସଢଙ୍ଗୀ ଧନ୍ୟବାଦ ଅର୍ପଣ କରିଥିଲେ ।