ଶ୍ରୀପଞ୍ଚମୀରେ ପାଳିତ ହେଲା ଶିକ୍ଷାରମ୍ଭର ଆଦ୍ୟସୋପାନ “ଖଡିଛୁଆଁ”
ସାନଖେମୁଣ୍ଡି, (ପଦ୍ମଲୋଚନ ପାଣିଗ୍ରାହୀ ) :-ଆଜି ପବିତ୍ର ଶ୍ରୀପଞ୍ଚମୀ ତିଥିରେ ନିରାଡମ୍ବର ଭାବେ ବିଦ୍ୟାଦାତ୍ରୀ ସରସ୍ୱତୀଙ୍କ ପୂଜା ଆରାଧନା କରାଯାଇଛି । ବିଶେଷ କରି ଗତ ଦୁଇବର୍ଷ ଧରି କରୋନା ସଂକ୍ରମଣ ଜନିଟ କାରଣରୁ ଶିକ୍ଷାନୁଷ୍ଠାନ ଗୁଡିକ ବନ୍ଦ ଥିବା ଯୋଗୁଁ ପୂଜା କେବଳ ସୀମିତ ଶିକ୍ଷକ ରେ ହୋଇଥିଲା ଓ ଛାତ୍ର ଛାତ୍ରୀ ମାନେ ବିଦ୍ୟାଳୟରେ ପୂଜାରୁ ବଞ୍ଚିତ ଥିଲେ। ଏଥିସହ ପ୍ରାଚୀନ କାଳରୁ ଭାରତୀୟ ସଂସ୍କୃତି ରେ ଥିବା ଶିକ୍ଷା ଆରମ୍ଭର ପରମ୍ପରା ମଧ୍ୟ ଗତ ଦୁଇବର୍ଷ ଧରି ବନ୍ଦ ଥିଲା । ଶ୍ରୀପଞ୍ଚମୀ ରେ ବିଦ୍ୟାଦାତ୍ରୀ ସରସ୍ୱତୀଙ୍କ ଠାରେ ପୂଜାର୍ଚ୍ଚନା କରି ଅଭିଭାବକ ମାନେ ଶିଶୁ ମାନଙ୍କୁ ଖଡ଼ି ଛୁଆଇଁ ଶିକ୍ଷାରମ୍ଭ କରୁଥିଲେ । ଚଳିତବର୍ଷ ବିଦ୍ୟାଳୟ ଖୋଲିବା ପାଇଁ ସରକାର ଙ୍କ ଠାରୁ ସୂଚନା ମିଳିବା ପରେ ଶିକ୍ଷାର୍ଥୀ ଅଭିଭାବକ ମାନେ ଖୁସି ପ୍ରକଟ କରିବା ସହ ବିଦ୍ୟାଳୟରେ ସରସ୍ୱତୀ ପୂଜା କରିଛନ୍ତି । ଏଥିସହ ଅଭିଭାବକ ମାନେ ବିଦ୍ୟାଳୟକୁ ନିଜ ଶିଶୁ ମାନଙ୍କୁ ନେଇ ଖଡ଼ି ଛୁଆଁ କରାଇଛନ୍ତି । ସାନଖେମୁଣ୍ଡି ର ମହାନଳା ଉଚ୍ଚ ପ୍ରାଥମିକ ବିଦ୍ୟାଳୟରେ ପାଠପଢ଼ା ର ଆଦ୍ୟସୋପାନ ପରମ୍ପରା ଚଳିତ ବର୍ଷ ପାଳନ କରାଯାଇଛି । ସ୍କୁଲ ସଭାପତି ବିନାୟକ ଦାଶଙ୍କ କତୃତ୍ୱରେ ପୁରୋହିତ ଟୁକୁଲା ପାଢ଼ୀ ପ୍ରଧାନ ଶିକ୍ଷକ ଆକୁଳ ଚନ୍ଦ୍ର ଚୌଧୁରୀ ପ୍ରମୁଖ ପୂଜାର୍ଚ୍ଚନା ଘୃତଯଜ୍ଞ ସହ ଶିକ୍ଷାର୍ଥୀ ଙ୍କୁ ବିଧି ପରମ୍ପରାନୁଜାୟୀ ସିଲଟ ରେ ଖଡ଼ି ଛୁଆଁ କରାଇଥିଲେ। ଶିକ୍ଷକ ବାବୁଲାକୁମାର ସାହୁ ବିଦେଶୀ ସାହୁ ଜି କବିତା ସଂଧ୍ୟାରାଣୀ ଦୋରା ପ୍ରମୋଦ ବାଡତ୍ୟା ଟୁକୁନା ଜେନା ଦିଲୀପ କୁମାର ସ୍ୱାଇଁ ପ୍ରମୁଖ ସହାୟତା କରିଥିଲେ ।


