ଶ୍ରୀ ସତ୍ୟସାଇ ବିଦ୍ୟାମନ୍ଦିରର ସଭାପତିଙ୍କ ବିୟୋଗରେ ଶ୍ରଦ୍ଧାଞ୍ଜଳୀ ସଭା

କେନ୍ଦ୍ରାପଡ଼ା, (ଚିତ୍ତରଞ୍ଜନ ଦାସ): କେନ୍ଦ୍ରାପଡା ସହରର ମୀରପାଟଣାସ୍ଥିତ ଶ୍ରୀ ସତ୍ୟସାଇ ବିଦ୍ୟାମନ୍ଦିର ପରିସରରେ ବିଦ୍ୟାମନ୍ଦିରର ସଭାପତି ତଥା ସମାଜସେବୀ ସଂଜୟ କୁମାର ସାହୁ (ଡନଭାଇ)ଙ୍କ ବିୟୋଗରେ ଏକ ଶ୍ରଦ୍ଧାଞ୍ଜଳୀ ସଭା ଅନୁଷ୍ଠିତ ହୋଇଯାଇଛି । ବିଦ୍ୟାମନ୍ଦିରର ଅଧ୍ୟକ୍ଷ ବସନ୍ତ କୁମାର ସାହୁଙ୍କ ଅଧ୍ୟକ୍ଷତାରେ ସ୍ୱର୍ଗତ ସାହୁଙ୍କ ଆତ୍ମାର ସଦ୍‌ଗତି ନିମନ୍ତେ ଦୁଇ ମିନିଟ୍ ନୀରବ ପ୍ରାର୍ଥନା କରାଯିବା ପରେ ଶ୍ରଦ୍ଧାଞ୍ଜଳୀ ସଭା ଅନୁଷ୍ଠିତ ହୋଇଥିଲା । ଏହି ସଭା କୋଭିଡ ଆଇନ ଅନୁଯାୟୀ ସାମାଜିକ ଦୂରତା ରକ୍ଷାକରି ଓ ମାସ୍କ ପରିଧ୍ୟାନ କରି ବିଦ୍ୟାମନ୍ଦିରର କର୍ମକର୍ତ୍ତାମାନେ ଶ୍ରଦ୍ଧାସୁମନ ଅର୍ପଣ କରିଥିଲେ । ସ୍ୱର୍ଗତ ସାହୁ ସତ୍ୟସାଇ ବିଦ୍ୟାମନ୍ଦିରର ସଭାପତି ଥିବା ବେଳେ ବିଦ୍ୟାମନ୍ଦିରର ବହୁ ଉନ୍ନୟନ ମୂଳକ କାର୍ଯ୍ୟ କରିବା ସହ ସାଇଭକ୍ତମାନଙ୍କ ସହ ମିଶି ସମାଜସେବା କାର୍ଯ୍ୟ କରି ନିଜକୁ ଉତ୍ସର୍ଗ କରିଥିଲେ ବୋଲି ଅଧ୍ୟକ୍ଷ ତାଙ୍କ ସ୍ମୃତିଚାରଣକରି ମତବ୍ୟକ୍ତ କରିଥିଲେ । ଏହି ଶ୍ରଦ୍ଧାଞ୍ଜଳି ସଭାରେ ସମ୍ପାଦକ ରାଜକିଶୋର ମିଶ୍ର, ସତ୍ୟସାଇ ସମିତିର ଆବାହକ ନୃସିଂହ ଚରଣ ତ୍ରିପାଠୀ, ବିଦ୍ୟାମନ୍ଦିରର ଶିକ୍ଷକ ଦିଲ୍ଲୀପ କୁମାର ମଲ୍ଲିକ, ପ୍ରେମାନନ୍ଦ ଦାସ, ନାମରତ୍ନ କର, ଶିକ୍ଷୟତ୍ରୀ ସସ୍ମିତା ଦାସ, ବିଜୟଲକ୍ଷ୍ମୀ ମହାନ୍ତି, ସଙ୍ଗୀତା ସାହୁ, ସୁମିତ୍ରା ଲେଙ୍କା, ଦେବାହୁତି ମହାପାତ୍ର, ସୁଚରିତା ଦାସ, ଅନନ୍ୟା ମହାନ୍ତି, କୁନି ପ୍ରଧାନ, ବେବିନା ସାହୁ ( ସେବିକା) ପ୍ରମୁଖ ଭକ୍ତିପୂତ ଶ୍ରଦ୍ଧାଞ୍ଜଳୀ ଜ୍ଞାପନ କରିଥିଲେ । ଏପରି ବିଷମ ସମୟରେ ସତ୍ୟସାଇ ବାବା ତାଙ୍କ ପରିବାରକୁ ଶକ୍ତି, ଧର୍ଯ୍ୟ ଓ ସାହସ ପ୍ରଦାନ କରନ୍ତୁ ବୋଲି ସମସ୍ତେ ପ୍ରାର୍ଥନା କରିଥିଲେ ।