ଶ୍ରେଷ୍ଠ ବିକାଶ କାର୍ଯ୍ୟ ପାଇଁ କାଇଁଚପୁର ଗ୍ରାମପଂଚାୟତ ଜାତୀୟ ପୁରସ୍କାର ପ୍ରାପ୍ତ

ଗଞ୍ଜାମ, (ୱାଏନ୍‌ଏସ୍‌):ଆଜି ଜାତୀୟ ପଂଚାୟତ ରାଜ ଦିବସ ଅବସର ରେ କେନ୍ଦ୍ର ସରକାରଙ୍କ ପଂଚାୟତୀରାଜ ମନ୍ତ୍ରାଳୟ ତରଫରୁ ଓଡିଶାର ଗଞ୍ଜାମ ବ୍ଲକ ଅନ୍ତର୍ଗତ କାଇଁଚପୁର ଗ୍ରାମପଂଚାୟତକୁ ଶ୍ରେଷ୍ଠ ବିକାଶ କାର୍ଯ୍ୟ ପାଇଁ ଜାତୀୟ ପୁରସ୍କାର ମିଳିଛି lଆଜି ପ୍ରଧାନମନ୍ତ୍ରୀ ପଂଚାୟତରାଜ ଦିବସରେ ସମ୍ବୋଧନ କରି ପୁରସ୍କାର ପାଇଥିବା ପଂଚାୟତକୁ ଶୁଭେଚ୍ଛା ଜଣାଇଛନ୍ତି l ସମ୍ପ୍ରତି କରୋନା ପାଇଁ ପୁରସ୍କାର ପାଇବା ନିମନ୍ତେ କେନ୍ଦ୍ର ସରକାର ଦିଲ୍ଲୀ ନ ଡକାଇ ଗଞ୍ଜାମ ଜିଲ୍ଲାପାଳଙ୍କ ଜରିଆରେ ଘୋଷଣା କରିଛନ୍ତି lଓଡିଶାର 314 ବ୍ଲକ ଅଧିନସ୍ଥ ସମସ୍ତ ଗ୍ରାମପଂଚାୟତ ମଧ୍ୟରୁ ଗଞ୍ଜାମ ବ୍ଲକ କାଇଁଚପୁର ଗ୍ରାମପଂଚାୟତ କୁ ଜାତୀୟ ପୁରସ୍କାର ମିଳିବା ନିଶ୍ଚିତ ଭାବେ ଗୌରବର ବିଷୟ ଅଟେ lନିକଟରେ ଓଡିଶାର ମାନ୍ୟବର ମୁଖ୍ୟମନ୍ତ୍ରୀ ମନେରେଗା ଯୋଜନାରେ ଶ୍ରେଷ୍ଠ ଗ୍ରାମୀଣ ପାର୍କ କାଇଁଚପୁରକୁ ଟ୍ୱିଟ କରି ଶୁଭେଚ୍ଛା ଜଣାଇଥିବା ବେଳେ ରାଜ୍ୟ ଏବଂ ଜିଲ୍ଲା ସ୍ତରରେ ଉଚ୍ଚ ପଦାଧିକାରୀ ଗ୍ରାମପଂଚାୟତର ବିଭିନ୍ନ ଉନୟନ କାର୍ଯ୍ୟ ପ୍ରଦର୍ଶନ କରି ସନ୍ତୋଷ ବ୍ୟକ୍ତ କରିଥିଲେ lଏ ଅବସରରେ ଗ୍ରାମପଂଚାୟତର ସରପଞ୍ଚ ଜି ସନ୍ତୋଷ ରେଡିଙ୍କୁ ବିଭିନ୍ନ ବର୍ଗରୁ ଶୁଭେଚ୍ଛା ଜଣାଉଛନ୍ତି l