ସଂସ୍କୃତ ଶିକ୍ଷକଙ୍କ ଅକାଳ ବିୟୋଗ
ବାଲିକୁଦା,(ଅନସୂୟା ରାଉତ):ବାଲିକୁଦା ବ୍ଲକ ଅନ୍ତର୍ଗତ ମହାବୀର ମାର୍କେଣ୍ଡେଶ୍ଵର ମେମୋରିଆଲ୍ ଉଚ୍ଚବିଦ୍ୟାଳୟର ସଂସ୍କୃତ ଶିକ୍ଷକ ଶ୍ରୀଯୁକ୍ତ ପ୍ରକାଶ ଚନ୍ଦ୍ର କଂସ ୫୮ ବୟସରେ ଅକାଳ ମୃତ୍ୟୁବରଣ କରିଛନ୍ତି। ସେ ଜଣେ ଛାତ୍ର ବତ୍ସଳ ଶିକ୍ଷକ ଭାବରେ ପରିଚିତ ଥିଲେ। ଖାତା ମୂଲ୍ୟାୟନ ସମୟରେ ସେ ସଂସ୍କୃତ ବିଭାଗର ମୁଖ୍ୟ ଭାବରେ ସୂଚାରୁ ରୂପେ କାର୍ଯ୍ୟ ସମ୍ପାଦନ କରୁଥିଲେ। ସଂସ୍କୃତ ଭାଷାର ପ୍ରଚାର ଓ ପ୍ରସାର ପାଇଁ ସେ ସର୍ବଦା ଚେଷ୍ଟିତ ଥିଲେ। ତାଙ୍କ ମୃତ୍ୟୁରେ ସାରା ଜିଲ୍ଲାରେ ଶୋକର ଛାୟା ଖେଳି ଯାଇଛି। ସଂସ୍କୃତ ଶିକ୍ଷକ ସଂଘ ତରଫରୁ ଶିକ୍ଷକ ଅଜୟ ଶତପଥୀ, ମହେନ୍ଦ୍ର ରାଉତ, ଦେବେନ୍ଦ୍ର ପଣ୍ଡା, ନବଘନ ମୁଦୁଲି, ପ୍ରଦୀପ୍ ଆଚାର୍ଯ୍ୟ ଓ ଉମାଶଙ୍କର ରାଉତ ପ୍ରମୁଖ ଗଭୀର ଦୁଃଖ ପ୍ରକାଶ କରିବା ସହିତ ଅମର ଆତ୍ମାର ସଦ୍ ଗତି କାମନା କରିଛନ୍ତି। ତତ୍ ସହିତ ଶୋକ ସନ୍ତପ୍ତ ପରିବାର ପ୍ରତି ସମବେଦନା ଜ୍ଞାପନ କରିଛନ୍ତି ।
