ସତ୍ୟସାଇ ବାବା ଙ୍କ ୯୪ ତମ ଜନ୍ମ ବାର୍ଷିକୀ
ରାଇରଙ୍ଗପୁର-ରାଇରଙ୍ଗପୁରସ୍ଥ ସତ୍ୟସାଇ ସେବା ସମିତି ଆନୁକୁଲ୍ୟରେ ସ୍ଥାନୀୟ ସତ୍ୟସାଇ ବିହାର ପରିସରରେ ବିଶ୍ଵର ମହାନ ସନ୍ଥ ଓ ଆଧ୍ୟାତ୍ମିକ ପୁରୁଷ ସତ୍ୟସାଇ ବାବାଙ୍କର ୯୪ ତମ ଜନ୍ମ ବାର୍ଷିକୀ ଧୁମଧାମରେ ଶନିବାର ଦିନ ଶ୍ରଦ୍ଧାଳୁ ଙ୍କ ଦ୍ଵାରା ପାଳିତ ହୋଇଯାଇଛି । ଆଜି ସକାଳେ ବାବାଙ୍କ ପାଖରେ ପ୍ରଦୀପ ପ୍ରଜ୍ବଳନ,ପତାକା ଉତ୍ତୋଳନ ଏବଂ ପୂଜାର୍ଚ୍ଚନା ପରେ ଏକ ସୁସଜ୍ଜିତ ରଥରେ ବାବାଙ୍କ ଫଟୋ ରଖାଯାଇ ଶ୍ରଦ୍ଧାଳୁଙ୍କ ଦ୍ବାରା ରାଇରଙ୍ଗପୁର ସହର ପରିକ୍ରମା କରାଯାଇଥିଲା । ଭକ୍ତ ମାନେ ନଗର କୀର୍ତ୍ତନ ସହ ବାବାଙ୍କ ଧର୍ମ ବାଣୀକୁ ଉପସ୍ଥିତ ଶ୍ରଦ୍ଧାଳଙ୍କୁ ଶୁଣାଇଥିଲେ । ପରେ ଅନ୍ନ ପ୍ରସାଦ ବଣ୍ଟନ କରାଯାଇଥିଲା । ଦିନ ତମାମ ଭଜନ, ଗୀତାପାଠ ଆୟୋଜନ କରାଯାଇଥିଲା । ସଂଧ୍ୟାରେ ରାଇରଙ୍ଗପୁର କୋର୍ଟର ଅତିରିକ୍ତ ଜିଲ୍ଲା ଓ ଦୌରାଜଜ ଅନୂପ ରଂଜନ ପଟ୍ଟନାୟକ ସତ୍ୟସାଇ ବାବାଙ୍କର ଜୀବନ ଚର୍ୟା ଉପରେ ଆଲୋକପାତ କରିଥିଲେ । ସୁସ୍ଥ ସମାଜ ଗଠନରେ ମଣିଷ ଜୀବନରେ ଆଧ୍ୟାତ୍ମିକତାର ଆବଶ୍ୟକତା ରହିଛି ବୋଲି ସେ ମତବ୍ୟକ୍ତ କରିଥିଲେ । ରାଇରଙ୍ଗପୁର ଆଖପାଖରୁ ସହସ୍ରାଧିକ ଶ୍ରଦ୍ଧାଳୁ ଯୋଗ ଦେଇ ବାବାଙ୍କର ଆଶୀର୍ବାଦ ନେଇଥିଲେ ।
