ସମ୍ବଲପୁର ବିଶ୍ୱବିଦ୍ୟାଳୟର ସମାବର୍ତନ ସମାରୋହରେ ପ୍ରଧାନମନ୍ତ୍ରୀଙ୍କ ମୁଖ୍ୟ ସଚିବ

ସମ୍ବଲପୁର , (ଯୁଗାବ୍ଦ ନ୍ୟୁଜ) : ସମ୍ବଲପୁର ବିଶ୍ୱବିଦ୍ୟାଳୟର ୩୦ତମ ସମାବର୍ତ୍ତନ ସମାରୋହରେ ପ୍ରଧାନମନ୍ତ୍ରୀଙ୍କ ପ୍ରମୁଖ ସଚୀବ ପ୍ରମୋଦ ମିଶ୍ର ଯୋଗଦେଇ ସମ୍ବଲପୁର ବିଶ୍ୱବିଦ୍ୟାଳୟର ସମାବର୍ତନ ସମାରୋହକୁ ନିମନ୍ତ୍ରଣ କରିଥିବାରୁ କୁଳପତି ପ୍ରଫେସର ଦୀପକ ବେହେରାଙ୍କୁ ଧନ୍ୟବାଦ ଜଣାଇଥିଲେ । ଏହାସହ ସେ ଛାତ୍ରଛାତ୍ରୀମାନଙ୍କୁ ସମ୍ବୋର୍ଦ୍ଧିତ କରି ଦେଶର ଐତିହ୍ୟରେ ଜ୍ୟୋତିବିହାର ଏକ ସ୍ୱତନ୍ତ୍ର ସ୍ଥାନ ଗ୍ରହଣ କରିଥିବାବେଳେ ଛାତ୍ରଛାତ୍ରୀମାନଙ୍କୁ ଶିକ୍ଷା କ୍ଷତ୍ରେରେ ମନୋନିବଶ କରିବା ସହ ଶୃଙ୍ଖଳା ଜ୍ଞାନ ସମ୍ପର୍କରେ କହିଥିଲେ ।୨୦୧୪ରୁ ୨୦୧୯ ମଧ୍ୟରେ ଆମର ହାରାହାରି ବାର୍ଷିକ ଜିଡିପି ଅଭିବୃଦ୍ଧି ୭.୫ ପ୍ରତିଶତ ରହିଛି, ଯାହାକି ସ୍ୱାଧୀନତା ପରେ ସର୍ବାଧିକ । ଏହା ମଧ୍ୟ ଜି-୨୦ ଦେଶ ମଧ୍ୟରେ ସର୍ବୋଚ୍ଚ । ସମଷ୍ଟିଗତ ଅର୍ଥନୈତିକ ସ୍ଥିରତା ଗତ ୫ ବର୍ଷ ମଧ୍ୟରେ ବେଶ ସୁଦୃଢ଼ ରହିଛି, ଯାହାର ଆଧାରରେ ଅନେକ ସଂସ୍କାରମୂଳକ ପଦକ୍ଷେପ ଗ୍ରହଣ କରାଯାଇପାରିଛି । ଆମ କର୍ତବ୍ୟ ବିଷୟରେ ସଚେତନ କରୁଥିବା ମହାତ୍ମା ଗାନ୍ଧୀଙ୍କର ଏହି ମୌଳିକ ଶିକ୍ଷା ତାଙ୍କର ୧୫୦ତମ ଜନ୍ମବାର୍ଷିକୀ ଉପଲକ୍ଷେ ତାଙ୍କ ପ୍ରତି ଆମର ଶ୍ରେଷ୍ଠ ଶ୍ରଦ୍ଧାଞ୍ଜଳି ହେବ । ଆମ ସାଥୀ, ଆମ ସମାଜ, ସର୍ବୋପରି ସମଗ୍ର ବିଶ୍ୱ ଏବଂ ଭବିଷ୍ୟତର ପିଢ଼ି ପ୍ରତି ଥିବା କର୍ତବ୍ୟ ଆମକୁ ପାଳନ କରିବାକୁ ହେବ । ଏହା ସହ ସେ ନିଜେ ଉକ୍ତଚ ବିଶ୍ୱବିଦ୍ୟାଳୟର ଛାତ୍ର ଥିଲେ ଓ ଏଠାକୁ ଆସି ତାଙ୍କର ପୁରୁଣା ସ୍ମୃତି ତାଜା ହୋଇଥିବା କହିଥିଲେ । ଏହା ସହ ଜୀବନର ଏକ ନୂତନ ପର୍ଯ୍ୟାୟରେ ପାଦ ଥାପିବା ସମୟରେ ଆମେ ଏକ ନୂତନ ଭାରତ ନିର୍ମାଣ ଦିଗରେ ଅଗ୍ରସର ହେବାସହ ଦେଶର ଶାନ୍ତି, ପ୍ରଗତି ଓ ସମୃଦ୍ଧି ନିମନ୍ତେ କାର୍ଯ୍ୟ କରିବାକୁ ଆହ୍ୱାନ ଦେଇଥିଲୋ । ବିଶ୍ୱବିଦ୍ୟ।।ଳୟର ସ୍ନାତକ, ସ୍ନାତୋକୋତର ଓ ଡକ୍ଟରାଲ ଡିଗ୍ରୀ, ଉପାଧି ଓ ପଦକ ପାଇଥିବା ଛାତ୍ରଛାତ୍ରୀମାନଙ୍କୁ ଅଭିନନ୍ଦନ ଜଣାଇଥିଲେ । ଉକ୍ତ ସମାବର୍ତନ ସମାରୋହରେ ମହାମହିମ ରାଜ୍ୟପାଳ ପ୍ରଫେସର ଗଣେଶୀ ଲାଲ, କୁଳପତି ପ୍ରଫେସର ଦୀପକ ବେହେରା, ସିନେଟ, ସିଣ୍ଡିକେଟ , ଏକାଡେମିକ କାଉନସିଲର ସମସ୍ତ ସଦସ୍ୟ, ଅଧ୍ୟାପକ, ଅଧ୍ୟାପିକା , କର୍ମଚାରୀଗଣ ତଥା ବିଶ୍ୱ ବିଦ୍ୟାଳୟର ସମସ୍ତ ଛାତ୍ରଛାତ୍ରୀ ଉପସ୍ଥିତ ଥିଲେ ।