ସାଇକେଲ ଧକ୍କାକୁ ନେଇ ଗଣ୍ଡଗୋଳ,୧ ଗିରଫ

ବୁଗୁଡା,(ଯୁଗାବ୍ଦ ନ୍ୟୁଜ୍‌): ବୁଗୁଡା ଥାନା ଅନ୍ତର୍ଗତ ପଙ୍କଳସାହି ଗ୍ରାମରେ ସାଇକେଲ ଧକ୍କାକୁ କେନ୍ଦ୍ରକରି ମୁହାଁମୁହିଁ ହୋଇଛନ୍ତି । ଗଣ୍ଡଗୋଳରେ ଜଣେ ଆହାତ ହୋଇଥିବା ବେଳେ ପୋଲିସ ଜଣେ ଯୁବକଙ୍କୁ ଗିରଫ କରିଛି । ମିଳିଥିବା ସୂଚନା ଅନୁଯାୟୀ ପଙ୍କଳସାହି ଗ୍ରାମର ଯୋଗେନ୍ଦ୍ର ଗୈାଡଙ୍କ ପୁଅ ବିକାଶ ଗୈାଡ, ସାଇକେଲରେ ଗ୍ରାମକୁ ଫେରୁଥିବା ବେଳେ ସେହି ଗ୍ରାମର ପ୍ରମୋଦ ସେଠୀ,ସାଇକେଲରେ ଆସି ବିକାଶର ସାଇକେଲକୁ ଧକ୍କା ଦେଇଥିଲେ । ଏହି ଘଟଣା ବିକାଶ ତାଙ୍କ ପରିବାର ନିକଟରେ କହିଥିଲେ ।ଏହା ପରେ ତାଙ୍କ ବାପା ଯୋଗେନ୍ଦ୍ର ଗୈାଡ ପ୍ରମୋଦ ସେଠୀଙ୍କୁ ଯାଇ ପଚାରିଥିଲେ । ଏହା ପରେ ଦୁଇ ଜଣଙ୍କ ମଧ୍ୟରେ ଯୁକ୍ତିତର୍କ ଆରମ୍ଭ ହୋଇଥିଲା । ଏଥିରେ ଉତକ୍ଷିପ୍ତ ହୋଇ ପ୍ରମୋଦ ସେଠୀ ଙ୍କ ଆକ୍ରମଣରେ ଯୋଗେନ୍ଦ୍ର ଆହାତ ହୋଇଥିଲେ । ଏହା ପରେ ଯୋଗେନ୍ଦ୍ର ଙ୍କ ଅଭିଯୋଗ କ୍ରମେ ପୋଲିସ ମାମଲା ରୁଜୁ କରି ପ୍ରମୋଦ ସେଠୀଙ୍କୁ କୋର୍ଟ ଚାଲାଣ କରିଥିବା ବୁଗୁଡା ଥାନା ଆଇଆଇସି ତିତ୍ତରଂଚନ ବେହେରା ପ୍ରକାଶ କରିଛନ୍ତି ।