ସାଇନୃତ୍ୟ ସଂଗୀତ ମହାବିଦ୍ୟାଳୟରେ ଗୁରୁଦିବସ ପାଳନ

ବାଲେଶ୍ୱର, (ଯୁଗାବ୍ଦ ନ୍ୟୁଜ): ଗୁରୁବାରଦିନ ସାଇନୃତ୍ୟ ସଂଗୀତ ମହାବିଦ୍ୟାଳୟ ପରିସରରେ ଗୁରୁଦିବସ ପାଳନ ହୋଇଯାଇଛି । ଏହି ଉତ୍ସବରେ ଅନୁଷ୍ଠାନର ସଭାପତି ଡା. ଜୟନ୍ତ ଦାସ ସଭାପତିତ୍ୱ କରିôତଲେ । ସାଧାରଣ ସଂପାଦକ ଧୀରେନ୍ଦ୍ର ନାରାୟଣ ଦାସ ଗୁରୁଦିବସ ବିଷୟରେ ସୂଚନା ଦେଇଥିଲେ । ଅନୁଷ୍ଠାନର ଶିକ୍ଷକ ଶିକ୍ଷୟିତ୍ରୀ, ଛାତ୍ରଛାତ୍ରୀ, ଉପସ୍ଥିତ ଅଭିଭାବକ, ସଭ୍ୟ, ସଭ୍ୟା ଡ. ସର୍ବପଲ୍ଲୀ ରାଧାକ୍ରିଷ୍ଣନ୍ଙ୍କ ଫଟୋଚିତ୍ରରେ ପୁଷ୍ପ, ଧୂପ ଅର୍ପଣ କରିଥିଲେ । ଛାତ୍ରଛାତ୍ରୀମାନେ ଗୁରୁବନ୍ଦନା ଗାନ କରିବା ସଙ୍ଗେସଙ୍ଗେ ଉପସ୍ଥିତ ଶିକ୍ଷକ ଶିକ୍ଷୟିତ୍ରୀମାନଙ୍କୁ ଚନ୍ଦନ ଓ ପୁଷ୍ପ ଦେଇ ପୂଜା କରିଥିଲେ । ମୁଖ୍ୟଅତିଥିଭାବେ ଫକୀର ମୋହନ ସାହିତ୍ୟ ପରିଷଦର ସଭାପତି ଡ. ଶିରିଶ ଚନ୍ଦ୍ର ଜେନା ସର୍ବପଲ୍ଲୀ ରାଧାକ୍ରିଷ୍ଣନଙ୍କ ଜୀବନୀ ଓ ଗୁରୁଦିବସର ତାତ୍ପର୍ଯ୍ୟ ବିଷୟରେ ଭାଷଣ ଦେଇଥିଲେ । ଉକ୍ତ ଉତ୍ସବରେ ଅନୁଷ୍ଠାନର ଉପସଭାପତି ସୁଧାଂଶୁ ଦାସ, ଶଶାଙ୍କ ଶେଖର ଦତ୍ତ, ବିଶ୍ୱଜିତ୍ ଦାସ, ଗୌରାଙ୍ଗ ପାଣିଗ୍ରାହୀ, ଅନୁଷ୍ଠାନର ଅଧ୍ୟକ୍ଷ ସତ୍ୟ ସାଧନ ଦାସ ପଟ୍ଟନାୟକ, ପଦ୍ମଲୋଚନ ଦତ୍ତ, ବେଣୁଧର ପାଳ, ଅରବିନ୍ଦ ମହାନ୍ତି, ଶରତ ମହାନ୍ତି, ପୁରୁଷୋତ୍ତମ ବେହେରା, ଅଚ୍ୟୁତାନନ୍ଦ ଗୋଚ୍ଛାୟତ, ଶିକ୍ଷକ ଶିକ୍ଷୟିତ୍ରୀ, ସତ୍ୟରଞ୍ଜନ ମହାନ୍ତି, ମନୋରଞ୍ଜନ ମହାନ୍ତି, ସତ୍ୟନାରାୟଣ ଦାସ, ବଂଶୀଧର ରଣା, ସଞ୍ଜିବ ବେହେରା, ପ୍ରଦୀପ ପ୍ରଧାନ, ସୁଶାନ୍ତ ଦାସ, ମାଲା ନାଥ, ସୁନିତା ଶତପଥି, ରଶ୍ମି ରଣା ପ୍ରମୁଖ ଯୋଗ ଦେଇଥିଲେ । ଶେଷରେ ଅନୁଷ୍ଠାନର ଯୁଗ୍ମ ସଂପାଦକ ନୃସିଂହ ପ୍ରସାଦ ଦାସ ମହାପାତ୍ର ଧନ୍ୟବାଦ ଦେଇଥିଲେ ।