ସାମନ୍ୟ ବଚସାକୁ ନେଇ ପିଟି ପିଟି ହତ୍ୟା, ଅଭିଯୁକ୍ତ ଗିରଫ

ରାଇରଙ୍ଗପୁର (ଅକ୍ଷୟ ବିଶ୍ୱାଳ): ସାମନ୍ୟ ବଚସା କୁ ନେଇ ହତ୍ୟାକାଣ୍ଡ, ଏପରି ଅଘଟଣ ଶନିବାର ଦିନ ଘଟିଛି ରାଇରଙ୍ଗପୁର ଥାନା ଭାଲୁବସା ପଞ୍ଚାୟତର ବୁଢ଼ାମରା ଗ୍ରାମରେ।ମୃତକ ହେଲେ ସୁକେଶ ମହାନ୍ତ। ସୂଚନା ମୁତାବିକ ସୁକେଶ ମହାନ୍ତ(୫୯) ଓ ପଡୋଶୀ ଚନ୍ଦ୍ର ମୋହନ ମହାନ୍ତ ଛେଳି ଚରାଇ ଫେରୁଥିବା ବେଳେ କୌଣସି କଥାକୁ ନେଇ ବଚସା ହୋଇଥିଲା ଏଥିରେ ଉତକ୍ଷିପ୍ତ ହୋଇ ଚନ୍ଦ୍ର ମୋହନ ସୁକେଶଙ୍କ ମୁଣ୍ଡରେ ଏକ କୁରାଢି ବେଣ୍ଟରେ ପ୍ରହାର କରିଥିଲା।ତାଙ୍କୁ ବଞ୍ଚାଇବାକୁ ଯାଇ ତାଙ୍କ ବୋହୁ ଶାନ୍ତିଲତା ମଧ୍ୟ ଆକ୍ରମଣର ଶିକାର ହେବ ସହିତ ମୁଣ୍ଡ ଫାଟି ଯାଇଥିଲା।ତେବେ ସୁକେଶଙ୍କ ଘଟଣାସ୍ଥଳରେ ହିଁ ମୃତ୍ୟୁ ହୋଇଥିଲା। ଘଟଣାଟି ଶନିବାର ଦିନ ୧୨.୩୦ ଟା ପାଖାପାଖି ସମୟରେ ଘଟିଥିଲା ।ରାଇରଙ୍ଗପୁର ଟାଉନଥାନା ଅଧିକାରୀ ରେଣୁବାଳା ସାହୁ ଘଟଣାସ୍ଥଳରେ ପହଞ୍ଚି ଛାନଭିନ୍ କରିଥିଲେ ।ହତ୍ୟା ଘଟଣାର ସଂପୃକ୍ତ ଚନ୍ଦ୍ର ମୋହନକୁ ଗିରଫ କରିଥିବା ବେଳେ ଚନ୍ଦ୍ର ମୋହନର ମାନସିକ ସ୍ଥିତି ଠିକ ନ ଥିବା ଜଣା ପଡ଼ିଛି।ପୁଲିସ ହତ୍ୟା ମାମଲା କେଶ ନଂ ୧୬/୨୧ ଦାୟର କରି ତଦନ୍ତ କରୁଛି।ମୃତକର ଶବ ବ୍ୟବଛେଦ ପାଇଁ ରାଇରଙ୍ଗପୁର ଉପଖଣ୍ଡ ଚିକିତ୍ସାଳୟକୁପଠାଇଛି ।