ସିଙ୍ଗଡୋବ ଠାରେ ଭାରତୀୟ ଜନଜାତିୟ ଗୌରଵଦିବସ ଉପଲକ୍ଷେ ସ୍ୱତନ୍ତ୍ର ପଲ୍ଲୀସଭା

ହାଟଡିହି, (ବିକାଶ ବିଶ୍ୱାଳ):ହାଟଡିହି ବ୍ଲକ ଵଞ୍ଚୋ ପଞ୍ଚାୟତର ସିଙ୍ଗଡୋବ ଠାରେ ବିର୍ଷାମୁଣ୍ଡା ଜୟନ୍ତୀ ଅବସରରେ ଭାରତୀୟ ଜନଜାତିୟ ଗୌରଵ ଦିବସ ଉପଲକ୍ଷେ ସ୍ୱତନ୍ତ୍ର ପଲ୍ଲୀସଭା ଅନୁଷ୍ଠିତ ହୋଇ ଯାଇଛି। ଏଥିରେ ବିଡିଓ ସୌମ୍ୟଶ୍ରୀ ପାଣିଗ୍ରାହୀ, ସରପଞ୍ଚ ପ୍ରଶାନ୍ତ ରାଉତ, ସାଂସଦ ପ୍ରତିନିଧି ଜ୍ଞାନ ରଞ୍ଜନ ସାମନ୍ତ ସିଂହାର, ନୋଡାଲ ଅଫିସର ପ୍ରଫୁଲ ବେହେରା, ପି.ଇ.ଓ ଜିତେନ୍ଦ୍ର ଜେନା ପ୍ରମୁଖ ଯୋଗଦେଇ ଆଦିବାସୀ ଗ୍ରାମର ଲୋକମାନଙ୍କ ଶିକ୍ଷାର ମାନ ବୃଦ୍ଧି, ସରକାରଙ୍କ ଦ୍ବାରା ଯୋଗାଇ ଦିଆଯାଉଥିବା ବିଭିନ୍ନ ଯୋଜନାର ସଫଳ ରୂପାୟନ କିପରି ହୋଇପାରିବ, ଜଂଗଲ ଜମି ଅଧିକାର ଆଇନ ଆଦି ସମ୍ପର୍କରେ ଆଲୋଚନା କରିବା ସହିତ ଗ୍ରାମକୁ ନିଶାମୁକ୍ତ କରିବା ଉପରେ ଲୋକମାନଙ୍କୁ ସପଥ କରାଇଥିଲେ। ଏହି ପଲ୍ଲୀସଭାରେ ସମସ୍ତ ୱାର୍ଡସଭ୍ୟ ସଭ୍ୟାଙ୍କ ସମେତ ସିଙ୍ଗଡୋବ ଗ୍ରାମର ଶତାଧିକ ଗ୍ରାମବାସୀ ମାନେ ଉପସ୍ଥିତ ଥିଲେ।