ସ୍ମାର୍ଟ ଇଣ୍ଡିଆ ଚାରିଟେବଲ ଟ୍ରଷ୍ଟ ପକ୍ଷରୁ ସ୍ୱାସ୍ଥ୍ୟ ଶିବିର ଅନୁଷ୍ଠିତ
ବାଲେଶ୍ୱର,( ଯୁଗାବ୍ଦ ନ୍ୟୁଜ୍) : ସ୍ମାର୍ଟ ଇଣ୍ଡିଆ ଚାରିଟେବଲ ଟ୍ରଷ୍ଟ ପକ୍ଷରୁ ବୈଶିଙ୍ଗା ବ୍ଲକର ନଡପୁର ଗ୍ରାମରେ ମଙ୍ଗଳବାର ଦିନ ଏକ ସ୍ୱାସ୍ଥ୍ୟ ଚିକିତ୍ସା ଶିବିର ଅନୁଷ୍ଠିତ ହୋଇଯାଇଛି । ଏଥିରେ ସଂସ୍ଥାର ମେନେଜିଂ ଡାଇରେକ୍ଟର ମନୋରଞ୍ଜନ ପଲ, ଏକ୍ଜିକ୍ୟୁଟିଭ୍ ଏଡମିନିଷ୍ଟ୍ରେସନ୍ ଲୋକନାଥ ସାହୁ ଏବଂ ଓଡିଶାର ମୁଖ୍ୟ ସନ୍ତୋଷ କୁମାର ବାରିକ, ସଂସ୍ଥାର ସଦସ୍ୟ ଜୟନ୍ତ କୁମାର ରାଉତ, ଅପରାଜିତା ପ୍ରିୟଦର୍ଶନୀ, କ୍ରାନ୍ତି କ୍ରିଷ୍ଣା ଦାଶ, ସୁବ୍ରତ ରଞ୍ଜନ ରାଉତ ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମ ସଂପାଦନ କରିବା ସହିତ ବୃକ୍ଷ ରୋପଣ କରିଥିଲେ । ସୁସ୍ଥ ସମାଜ ଗଠନ ଏହି ସଂସ୍ଥାର ମୁଖ୍ୟ ଉଦ୍ଦେଶ୍ୟ । ସମୟ ଉପଯୋଗୀ ବହୁତ କାର୍ଯ୍ୟ ଏହି ଟ୍ରଷ୍ଟ ଦ୍ୱାରା ହୋଇ ଆସୁଅଛି ।
