ସ୍ୱାଧିନତା ସଂଗ୍ରାମୀଙ୍କ ପରଲୋକ

ଭଣ୍ଡାରିପୋଖରୀ, (ଦୁର୍ଯ୍ୟୋଧନ ଲେଙ୍କା) ; ଭଣ୍ଡାରିପୋଖରୀ ବ୍ଲକ ନଗୁଁଆ ପଞ୍ଚାୟତ ବାହାଦଲପୁର ଗ୍ରାମର ବିଶିଷ୍ଟ ସ୍ୱାଧିନତା ସଂଗ୍ରାମୀ ବନ ବିହାରୀ ଧଳଙ୍କ ପରଲୋକ ହୋଇଥିବା ଜଣାପଡିଛି । ସ୍ୱର୍ଗତ ଧଳ ବାର୍ଦ୍ଧକ୍ୟ ଜନିତ କାରଣରୁ ଦୀର୍ଘଦିନ ହେବ ଅସୁସ୍ଥ ଥାଇ ନିଜ ବାସଭବନ ଠାରେ ଚିକିତ୍ସିତ ହେଉଥିବାବେଳେ ଗତ ବୁଧବାର ସକାଳ ପ୍ରାୟ ୭ଟାବେଳେ ପରଲୋକ ଗମନ କରିଛନ୍ତି । ମୃତ୍ୟୁ ବେଳକୁ ତାଙ୍କୁ ୯୫ବର୍ଷ ବୟସ ହୋଇଥିଲା । ଏøତିହାସିକ ଭଣ୍ଡାରିପୋଖରୀ ଥାନାପୋଡି ଘଟଣାରେ ଅନ୍ୟତମ ସ୍ୱାଧିନତା ସଂଗ୍ରାମୀ ଭାବେ ଶ୍ରୀଧଳଙ୍କର ପ୍ରଚ୍ଛଦ ସହଯୋଗ ରହିଥିଲା । ତାଙ୍କ ମୃତ୍ୟୁ ଖବର ପାଇ ଗ୍ରାମର ବହୁ ମାନ୍ୟଗଣ୍ୟ ବ୍ୟକ୍ତି ପହଞ୍ଚି ପାର୍ଥିବ ଶରୀରର ଶେଷଦର୍ଶନ କରିଛନ୍ତି । ଗାଁ ମସାଣୀରେ ତାଙ୍କର ଶେଷକୃତ୍ୟ ସମ୍ପନ୍ନ ହୋଇଥିବା ଜଣାପଡିଛି ।