ସ୍ୱାମୀ, ସ୍ତ୍ରୀ ଗଞ୍ଜାଇ ଚାଲାଣ ବେଳେ ପାଟପୁର ପୋଲିସ ଗିରଫ କଲା
ସାନଖେମୁଣ୍ଡି, (ପଦ୍ମଲୋଚନ ପାଣିଗ୍ରାହୀ):ପାଟପୁର ଥାନା ଅନ୍ତର୍ଗତ ଦସେଇପୁର ଘାସିଆମ୍ବ ଅଂଚଳ ରାସ୍ତା ରୁ ପାଟପୁର ପୋଲିସ ଦ୍ୱାରା ଗଞ୍ଜେଇ ଚାଲାଣ ବେଳେ କଂସାମାରୀ ଅଂଚଳ ର ଏସ.ପବିତ୍ର ଦୋରା, ଓ ତାଙ୍କ ସ୍ତ୍ରୀ ଏସ.ଈଶ୍ୱରୀ ଦୋରା ଙ୍କୁ କେଶ -418/21ମାମଲା ରେ ଗିରଫ କରି କୋର୍ଟ ଚାଲାଣ କରାଯାଇଛି I ସୂଚନା ପ୍ରକାରେ ପାଟପୁର ଥାନା ଏସଆଇ ସାନ୍ତୁନୁ କୁମାର ଦିଗାଲ ଙ୍କ ନେତୃତ୍ୱ ରେ ଏକ ପୋଲିସ ଟିମ୍ ଗଞ୍ଜେଇ ଚାଲାଣ ଧରପଗଡ ପାଇଁ ଯାଇଥିବା ବେଳେ ଏକ ନୀଳ ରଙ୍ଗ ର ହୋଣ୍ଡା ସ୍କୁଟି ଗାଡି ସଂଖ୍ୟା -OD07AJ7369 ରେ ଗଂଜେଇ ଚାଲାଣ ହେଉଥିବାର କୌଣସି ସୂତ୍ରରୁ ଖବର ପାଇ ପିଛା କରିଥିଲେ, ଦ୍ରୁତଗତି ରେ ଘାଷିଆମ୍ବ ଆଡକୁ ଗତି କରୁଥିବା ବେଳେ ଉକ୍ତ ଗାଡ଼ିରୁ 50 କିଲୋଗ୍ରାମ ରୁ ଉର୍ଦ୍ଧ୍ୱ ଗଂଜେଇ ଜବତ କରାଯାଇଥିବାର ସୂଚନା ମିଳିଛି I ଜବତ ବେଳେ ସାନଖେମୁଣ୍ଡି ତହସିଲଦାର ଡ଼ା ଶ୍ରୀନିବାସ ବେହେରା ଙ୍କ ଉପସ୍ଥିତି ରେ ଜବତ ଗଂଜେଇ କୁ ସିଲକରି, ଅଭିଯୁକ୍ତ ଦ୍ବୟ ଙ୍କୁ କୋର୍ଟ ଚାଲାଣ କରାଯାଇଛି I ଅବକାରୀ ବିଭାଗ ଓ ପାଟପୁର ପୋଲିସ ଦ୍ୱାରା ବାରମ୍ବାର ଧରପଗଡ଼ ସତ୍ତ୍ୱେ ଅଂଚଳ ରେ ଏଭଳି ଗଂଜେଇ ଜବତ ଚର୍ଚ୍ଚା ବିଷୟ ହୋଇଛି I
