ହନୁମାନ ମନ୍ଦିର ପ୍ରତିଷ୍ଠା ବାର୍ଷିକ ଉତ୍ସବ

ଭଣ୍ଡାରିପୋଖରୀ, ( ଦୁର୍ଯ୍ୟଧନ ଲେଙ୍କା) : ରହଣିଆ ପଂଚାୟତ ଆକୁଲି କଣା ବିଦ୍ୟାଳୟ ଠାରେ ଥିବା ହନୁମାନ ମନ୍ଦିର ର ଚତୁର୍ଥ ବାର୍ଷିକ ଉତ୍ସବ ଆଜି ଅନୁଷ୍ଠିତ ହୋଇଯାଇଛି। ପୂଜକ ନନ୍ଦ ତ୍ରିପାଠୀ ଓ ବାବୁ ତ୍ରିପାଠୀ ବୈଦିକ ମନ୍ତ୍ରରେ ପ୍ରତ୍ୟୁଷରୁ ପୂଜାକାର୍ଯ୍ୟ ଆରମ୍ଭ ହୋଇଥିଲା। ପ୍ରଥମେ ଦେବସ୍ନାନ, ସୂର୍ଯ୍ୟପୂଜା, ଘଟ ପୂଜା ସହିତ ହନୁମାନ ଚାଳିଶା ପାଠ ହୋଇଥିଲା।ପରେ ହୋମ ଯଜ୍ଞ ଓ ନାମ ସଂକୀର୍ତ୍ତନ ସହ ସାଂସ୍କୃତିକ କାର୍ଯ୍ୟକ୍ରମ ଆୟୋଜନ ହୋଇଥିଲା। କର୍ତ୍ତା ଭାବେ ବିରେନ୍ଦ୍ର କୁମାର ବରାଳ ଓ ବିଦ୍ୟୁତପ୍ରଭା ବରାଳ ପୂଜାକାର୍ଯ୍ୟ ସମ୍ପନ କରିଥିଲେ। ଉତ୍ସବ କୁ କରୁଣାକର ମହାନ୍ତି, ମାନସ ସାହୁ, କରୁଣାକର ସାମଲ, ଶିବାନୀ ଶଙ୍କର ସ୍ୱାଇଁ, ପ୍ରଦୀପ ସାମଲ, କ୍ଷୀରୋଦ ସ୍ବାଇଁଙ୍କ ସମେତ ଗ୍ରାମବାସୀମାନେ ପରିଚାଳନା କରିଥିଲେ।