୨ ମାସ ପରେ ମଧ୍ୟ ପହଞ୍ଚି ପାରୁନି ରେଜିଷ୍ଟ୍ରି ପୋଷ୍ଟ

କଳାହାଣ୍ଡି (ଚିତ୍ତରଞ୍ଜନ ବିଷି ): ଅନ୍ୟାନ୍ୟ ସଂସ୍ଥା ଅପେକ୍ଷା କେନ୍ଦ୍ର ସରକାର ଙ୍କ ଡାକଘର ଉପରେ ଅଧିକ ବିଶ୍ୱାସ କରିଥାନ୍ତି ସାଧାରଣ ଲୋକେ l ଟଙ୍କା ଜମା ହେଉ ଅବା ଚିଠି ପତ୍ର କାରବାର ସମସ୍ତେ ବିଶ୍ୱାସ ରେ ପୋଷ୍ଟଅଫିସ ଉପରେ ନିର୍ଭର କରି କାରବାର କରିଥାନ୍ତି l ବିଶେଷ କରି ସ୍ପିଡ ପୋଷ୍ଟ ଓ ରେଜିଷ୍ଟ୍ରି ପୋଷ୍ଟ ସବୁଠୁ ସୁରକ୍ଷିତ ବୋଲି ଲୋକେ ଏହାର ବହୁଳ ବ୍ୟବହାର କରିଥାନ୍ତି l କିନ୍ତୁ ଆଜିର ଇଣ୍ଟରନେଟ୍ ଓ କୋରିଅର ଆରମ୍ଭ ପରେ ପୋଷ୍ଟ ଓଫିସ ର କର୍ମଚାରୀ ମାନେ ବିଭିନ୍ନ ସମୟର ଅଭାହେଳା କରି ଗୁରୁତ୍ଵପୂର୍ଣ୍ଣ ଚିଠି, କୋର୍ଟ ନୋଟିସ୍ ଗୁଡ଼ିକ ସଠିକ୍ ସମୟରେ ବ୍ୟକ୍ତି ବିଶେଷଙ୍କ ଠାରେ ପହଞ୍ଛାଇ ପାରୁନାହାନ୍ତି। ଅଭଳି ଏକ ଘଟଣା ଦେଖିବାକୁ ମିଳିଛି ଭବାନୀପାଟଣା ମୁଖ୍ୟ ଡାକଘରେ। ସ୍ଵାଗତଶଙ୍କର ହୋତା ନାମକ ଜଣେ ଓକିଲ ଗତ ୦୬.୦୨.୨୫ରେ ମୁଖ୍ୟଡାକଘରେ ଇଚ୍ଛାପୁର ରାଇଗଡ଼ା ର ଶଙ୍କର ବାଗ ଙ୍କୁ ଏକ ନୋଟିସ୍ ପଠାଇ ଥିଲେ ହେଲେ ଆଜକୁ ଦୁଇ ମାସ ହେଲା ସେହି ରେଜିଷ୍ଟ୍ରି ନୋଟିସ୍ ସମ୍ପୃକ୍ତ ବ୍ୟକ୍ତି ପାଖରେ ପହଞ୍ଚି ନାହିଁ। ପୋଷ୍ଟଲ ଟାଟସ୍ ରେ ପହଞ୍ଚି ଥିବା ଦର୍ଶାଉ ଥିଲେ ହେଁ ବ୍ୟକ୍ତିଙ୍କ ନିକଟରେ ଚିଠି ପହଞ୍ଚି ନଥିବା ଅଭିଯୋଗ ହୋଇଛି। ଅଥିପ୍ରତି ଡାକ ବିଭାଗ ଦୃଷ୍ଟି ଦେବାକୁ ସାଧାରଣ ରେ ଦାବି ହେଇଛି।