କାଶୀନଗର ବାରଣାସୀ ବିଦ୍ୟାଳୟରେ କ୍ୟାବିନେଟ୍ ମଡ଼େଲ୍ ପ୍ରସ୍ତୁତି

ପାରଳାଖେମୁଣ୍ଡି, (ତାରିଣୀ ପ୍ରସାଦ ପଣ୍ଡା):ଗଜପତି ଜିଲ୍ଲା କାଶୀନଗର ବାରଣାସୀ ସରକାରୀ ଉଚ୍ଚବିଦ୍ୟାଳୟରେ ସାପ୍ତାହିକ କାର୍ଯ୍ୟ ଦିବସ ସହିତ ବିଦ୍ୟାଳୟ କ୍ୟାବିନେଟ୍ ମଡେଲ ପ୍ରସ୍ତୁତିର ପ୍ରଚାର ଏବଂ ବିଦ୍ୟାଳୟ ପ୍ରାଚୀର ପତ୍ରିକା ପ୍ରଦର୍ଶନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ବିଦ୍ୟାଳୟ ଓ ଗଣଶିକ୍ଷା ବିଭାଗ ଆଦେଶ କ୍ରମେ ପିଲାଙ୍କ ଭିତରେ ପ୍ରତିନିଧିତ୍ବ ଏବଂ ନେତୃତ୍ବ ଗୁଣ ବିକାଶ ନିମନ୍ତେ ବିଦ୍ୟାଳୟ କ୍ୟାବିନେଟର ବ୍ୟବସ୍ଥା ପ୍ରତ୍ୟେକ ବିଦ୍ୟାଳୟରେ ଚାଲୁରହିଛି। ସେହିଭଳି ଆଜି ଶ୍ରେଣୀ ମନିଟର, ବିଦ୍ୟାଳୟ କ୍ୟାପ୍ଟେନ ପରିଚୟ ଓ ମୁଁ କାହିଁକି ସ୍କୁଲ କ୍ୟାବିନେଟରେ ରହିବି ତାର ବକ୍ତବ୍ୟ ଆୟୋଜନ ହୋଇଥିଲା । ପ୍ରଧାନଶିକ୍ଷକ ଭାଗୀରଥି ବେହେରାଙ୍କ ଅନୁସାରେ ଇତିହାସ ପାଠରେ ପଢା ଯାଉଥିବା ଭାରତୀୟ ସଂସଦ ଓ ନିର୍ବାଚନ ପ୍ରକ୍ରିୟାର ଏକ ବିଦ୍ୟାଳୟସ୍ତରୀୟ ମଡେଲ ପ୍ରସ୍ତୁତ କରାଯାଉଛି। ଯାହା ଦ୍ବାରା ଉତ୍ତମ ନାଗରିକ ହେବାକୁ ସହଜ ହେବା ଏହାସହ ବିଦ୍ୟାଳୟସ୍ତରୀୟ ସାପ୍ତାହିକ ପଠନ, ଆବୃତ୍ତ ଓ ଲିଖନ କାର୍ଯ୍ୟକ୍ରମ ଶୁଭାରମ୍ଭ ହୋଇଥିଲା। ବିଦ୍ୟାଳୟ ପ୍ରାଚୀର ପତ୍ରିକା ‘ବଂଶଧାରା ପ୍ରଦର୍ଶନ କରାଯାଇ ପ୍ରସ୍ତୁତ କରିଥିବା ଦଶମଶ୍ରେଣୀର ଛାତ୍ରଛାତ୍ରୀ ଏବଂ ଶିକ୍ଷକଙ୍କୁ ପ୍ରଶଂସାପତ୍ର ପ୍ରଦାନ କରାଯାଇଥିଲା। କାର୍ଯ୍ୟକ୍ରମରେ ବିଦ୍ୟାଳୟର ପୁରାତନ ଛାତ୍ର ଓ କିଡିଗାଁ ଉନ୍ନୀତ ଉଚ୍ଚବିଦ୍ୟାଳୟ ପ୍ରଧାନଶିକ୍ଷକ ଏସ୍.ରାମା ରାଓଙ୍କୁ ଆତିଥ୍ୟ ପ୍ରଦାନ କରାଯାଇଥିଲା। ଉତ୍ସବକୁ ଅଶୋକ କୁମାର ଗୌଡ଼, ଏ.ମଧୁସୂଦନ ରାଓ, ଏଲ୍ ନାଗମଣି, ଆର୍.ଦିଲ୍ଲୀପ କୁମାର, ଶର୍ମିଲାରାଣୀ ଲେଙ୍କା ସହ ବିଦ୍ୟାଳୟର ସମସ୍ତ ଶିକ୍ଷକ,ଶିକ୍ଷୟିତ୍ରୀ ସହଯୋଗ କରିଥିଲେ।