ନାଏସ୍ବିଆଇର ସବୁଜ କାର ଋଣ ଯୋଜ

ମୁମ୍ବାଇ, (ଏଜେନ୍ସି): ନିର୍ମଳ ତଥା ସବୁଜ ପରିବେଶ ପାଇଁ ପ୍ରତିଶ୍ରୁତିବଦ୍ଧ ଦେଶର ସର୍ବବୃହତ ବ୍ୟାଙ୍କ ଭାରତୀୟ ଷ୍ଟେଟ ବ୍ୟାଙ୍କ ବିଶ୍ୱ ଧରିତ୍ରୀ ଦିବସ ଅବସରରେ ଦେଶର ପ୍ରଥମ ସବୁଜ କାର (ବିଦ୍ୟୁତ ଚାଳିତ) ଋଣର ଶୁଭାରମ୍ଭ କରିଛି । ସବୁଜ କାର ପାଇଁ ଋଣ ଲକ୍ଷ୍ୟ ହାସଲ ନିମନ୍ତେ ବ୍ୟାଙ୍କ ଏହି କାର ଋଣରେ ଅନ୍ୟ ତୁଳନାରେ ସୁଧ ହାର ୨୦ ବିପିଏସ୍ କମ୍ ରଖିଛି । ଏହି ଋଣର ପରିଶୋଧ ଅବଧି ଅଧିକ ଅର୍ଥାତ ୮ ବର୍ଷ ରଖାଯାଇଛି । ଏହି ଋଣ ଶୁଭାରମ୍ଭରେ ୬ ମାସ ପର୍ଯ୍ୟନ୍ତ କୌଣସି ପ୍ରକ୍ରିୟାକରଣ ଦେୟ ରହିବ ନାହିଁ । ଅଟୋ ଋଣ କ୍ଷେତ୍ରରେ ଅନ୍ତର୍ଭୂକ୍ତି ପାଇଁ ଏହି ଋଣ ପ୍ରକ୍ରିୟା ଆରମ୍ଭ କରାଯାଇଛି । ଏହି ଅବସରରେ ଭାରତୀୟ ଷ୍ଟେଟ ବ୍ୟାଙ୍କ୍ର ଆର୍ ଆଣ୍ଡ ଡ଼ିବି ପରିଚାଳନା ନିର୍ଦ୍ଦେଶକ ପି.କେ.ଗୁପ୍ତା କହିଛନ୍ତି ଯେ, ସବୁଜ କାର ଋଣ ପରି ଏକ ଅଭିନବ ବ୍ୟବସ୍ଥାର ପ୍ରଚଳନ ଗ୍ରାହକଙ୍କୁ ସହଯୋଗ କରିବ । ବର୍ତ୍ତମାନର ପ୍ରଦୂଷିତ ପରିବେଶରେ ସବୁଜ କାର୍ର ଗୁରୁତ୍ୱ ରହିଛି । ତେଣୁ ଅଟୋ ଋଣ କ୍ଷେତ୍ରରେ ସବୁଜ କାର ଋଣ ଏକ ପରିବର୍ତ୍ତନର ବାହାକ ହେବା ସହ ଗ୍ରାହକ ବିଦ୍ୟୁତ୍ ଗାଡ଼ି କ୍ରୟ ପାଇଁ ଆଗ୍ରହୀ ହେବେ ବୋଲି ସେ ଆଶାପ୍ରକାଶ କରିଛନ୍ତି । ଏହି ଗାଡ଼ି ବ୍ୟବହାର ଦ୍ୱାରା ବାୟୁ ପ୍ରଦୂଷଣ ହ୍ରାସ ପାଇବା ସହ ଅଙ୍ଗାର ନିର୍ଗମନ ହ୍ରାସ ପାଇବ । ୨୦୩୦ ମସିହା ସୁଦ୍ଧା ଭାରତୀୟ ରାସ୍ତାରେ ୩୦% ବିଦ୍ୟୁତଚାଳିତ ଚଳାଚଳ ପାଇଁ ଭାରତ ସରକାରଙ୍କ ଯୋଜନା ପରିପ୍ରେକ୍ଷୀରେ ଏହି ସମୟ ମଧ୍ୟରେ ୧୦୦% ବିଦ୍ୟୁତ ଗାଡ଼ି ବ୍ୟବସ୍ଥାକୁ ପରିବର୍ତ୍ତନ ପାଇଁ ଭାରତୀୟ ଷ୍ଟେଟ୍ ବ୍ୟାଙ୍କ ଘୋଷଣା କରିଛି । ବିଶ୍ୱବ୍ୟାପୀ ବିଦ୍ୟୁତ ଗାଡ଼ି ପ୍ରଚଳନ ପାଇଁ କ୍ଲାଇମେଟ୍ ଗ୍ରୁପ୍ର ଇଭି୧୦୦ ଯୋଜନାର ଲକ୍ଷ୍ୟ ସାଧନ ପାଇଁ ୱିପ୍ରୋ ସହ ଭାରତୀୟ ଷ୍ଟେଟବ୍ୟାଙ୍କ ଯୋଗଦାନ କରିଛି ।