ବେଗୁନିଆ-ବୋଲଗଡରେ ମତଦାନ ହାର ୭୩.୦୫ ପ୍ରତିଶତ

ବୋଲଗଡ଼(ଯୁଗାବ୍ଦ ନ୍ୟୁଜ୍)ତୃତୀୟ ପର୍ଯ୍ୟାୟ ସାଧାରଣ ନିର୍ବାଚନରେ ବୋଲଗଡ଼-ବେଗୁନିଆ ବିଧାନସବା ନିର୍ବାଚନ ମଣ୍ଡଳୀରେ ୭୩.୦୫ ପ୍ରତିଶତ ମତଦାନ ହୋଇଛି । ନିର୍ବାଚନ ମଣ୍ଡଳି ଅନ୍ତର୍ଗତ ବେଗୁନିଆ ବ୍ଲକର ୨୧ଟି ପଞ୍ଚାୟତ ଓ ବୋଲଗଡ ବ୍ଲକର ୧୯ଟି ପଞ୍ଚାୟତରେ ଶାନ୍ତି ଶୃଙ୍ଖଳା ସହିତ ମତଦାନ ହୋଇଥିବାବେଳେ ଅନେକ ବୁଥରେ ରାତି ୯ଟା ପର୍ଯ୍ୟନ୍ତ ମତଦାନ ଚାଲିଥିଲା । କେତେକ ବୁଥ୍ରେ ଇଭିଏମ୍ ତ୍ରୁଟି ଏବଂ ପୁଲିଂ କର୍ମଚାରୀଙ୍କ ଅପାରଗତା ଯୋଗୁଁ ମତଦାନ ବିଳମ୍ବ ହୋଇଥିବା ଅଭିଯୋଗ ହୋଇଛି । ତଥାପି ବହୁମାତ୍ରାରେ ଭୋଟରମାନେ ପ୍ରବଳ ଖରା ସତ୍ତେ୍ୱ ନିର୍ବାଚନୀ ମହାପର୍ବରେ ସାମିଲ ହୋଇ ଭୋଟଦାନ କରିଥିବାରୁ ବିଭିନ୍ନ ରାଜନୈତିକ ଦଳର ପ୍ରାର୍ଥିମାନେ ଭୋଟରଙ୍କୁ ଧନ୍ୟବାଦ ଦେଇଛନ୍ତି ।