ବନ୍ତରେ ଜିଲା ସ୍ତରୀୟ ନନ୍ଦ ଉତ୍ସବ ପାଳିତ: ସାଂସ୍କୃତିକ କାର୍ଯ୍ୟକ୍ରମରେ ଝୁମିଲେ ଦର୍ଶକ

ବନ୍ତ,(ଯୁଗାବ୍ଦ ନ୍ୟୁଜ୍) : ଶନିବାର ବନ୍ତସ୍ଥିତ ଚାରୁ ଚନ୍ଦ୍ର ଇଂରାଜୀ ମାଧ୍ୟମ ସ୍କୁଲ ପରିସରରେ ଭଦ୍ରକ ଜିଲା ସ୍ତରୀୟ ୭ମ ବାର୍ଷିକ ନନ୍ଦ ଉତ୍ସବ ପାଳିତ ହୋଇଯାଇଛି । ଜିଲା ଯାଦବ ମହାସଭା ଆନୁକୂଲ୍ୟରେ ଆୟୋଜିତ ଏହି ଉତ୍ସବରେ ଜିଲା ଯାଦବ ମହାସଭାର ସଭାପତି ଡଃ.ସୁଧାଂଶ ଶେଖର ନାୟକ ପୌରହିତ୍ୟ କରିଥିଲେ । ଏଥିରେ ଉକ୍ରଳ ଯାଦବ ମହାସଭାର ସାଧାରଣ ସଂପାଦକ ଧିରେନ କୁମାର ପଲେଇ, ରାଜ୍ୟ ଯୁବ ଯାଦବ ମହାସଭାର ସାଧାରଣ ସଂପାଦକ ଅମର ନାୟକ, ଜିଲା ଯାଦବ ମହାସଭାର ସଂପାଦକ ଦୀଲିପ କୁମାର ନାୟକ, ଜିଲା ଉପସଭାପତି ରବି ନାରାୟଣ ଖିଲାର, ବନ୍ତ ବ୍ଲକ ସଭାପତି ପଦ୍ମନାଭ ଦାସ, ଭଣ୍ଡରିପୋଖରୀ ସଭାପତି ଧ୍ରୁବ ଚରଣ ବାରିକ, ଧାମନଗର ବ୍ଲକ ସଭାପତି ସୁବାଷ ବାରିକ, ଚାନ୍ଦବାଲି ସଭାପତି ନିର୍ମଳ ତାଡୁ, ବାସୁଦେବପୁର ସଭାପତି ଭାଗିରଥି ପଲେଇ, ଜିଲା ସଦସ୍ୟ ଅନୀଲ କୁମାର ନାୟକଙ୍କ ସମେତ ତିହିଡି ବ୍ଲକର ସଭାପତି ପ୍ରମୁଖ ଯୋଗ ଦେଇ ବକ୍ତବ୍ୟ ପ୍ରଦାନ କରିଥିଲେ । ଏହି ଅବସରରେ ଚାରୁ ଚନ୍ଦ୍ର ନାୟକଙ୍କ ସମେତ ବହୁ ପ୍ରତିଭାଧର ବ୍ୟକ୍ତି ବିଶେଷଙ୍କୁ ମାନପତ୍ର ଓ ଉପଢୌକନ ପ୍ରଦାନ ପୂର୍ବକ ସମ୍ବର୍ଦ୍ଧିତ କରାଯାଇଥିଲା । ପରେ ଶ୍ରୀକୃଷ୍ଣଙ୍କ ବାଲ୍ୟଲୀଳା ଉପରେ ବିଶେଷ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ପ୍ରାରମ୍ଭରେ ବନ୍ତ ଦୁର୍ଗା ମଣ୍ଡପ ଠାରୁ ଏକ ସୁସଜ୍ଜିତ ରଥରେ ଶ୍ରୀକୃଷ୍ଣଙ୍କୁ ଉତ୍ସବ ମଣ୍ଡପ ପର୍ଯ୍ୟନ୍ତ ପାଛୋଟି ଅଣାଯାଇଥିବା ବେଳେ ସାଥିରେ ବହୁ ସାରଥୀ ଯୋଗଦାନ କରିଥିଲେ । ଆୟୋଜିତ ଉତ୍ସବରେ ଜିଲାର ବିଭିନ୍ନ ବ୍ଲକରୁ ୫ ହଜାରରୁ ଉଦ୍ଧ୍ୱର୍ ଯାଦବ ଯୋଗ ଦେଇଥିବାର ଦେଖାଯାଇଥିଲା । କାର୍ଯ୍ୟକ୍ରମରେ କମଳାକାନ୍ତ ସାହୁ, ମାଧବାନନ୍ଦ ଦାସ, ସୁବାଷ ଦାସଙ୍କ ସମେତ ବହୁ ବ୍ୟକ୍ତି ଉପସ୍ଥିତ ଥିବା ବେଳେ ପ୍ରଣବ କିଶୋର ଲେଙ୍କା, ପ୍ରଶାନ୍ତ କୁମାର ସାହୁ, କୁନା ସାହୁ, ହେମନ୍ତ କୁମାର ମଲ୍ଲିକ, ରବିନ୍ଦ୍ର ବିଶ୍ୱାଳ, ନବ କିଶୋର ଜେନା ପ୍ରମୁଖ ସହାୟତା କରିଥିଲେ । \n