ଆସନ୍ତା ୩୧ରୁ ମହାବୀର କ୍ରିକେଟ ଟୁର୍ଣ୍ଣାମେଣ୍ଟ

ଭଣ୍ଡାରିପୋଖରୀ,(ଦୁର୍ଯ୍ୟୋଧନ ଲେଙ୍କା): ଭଣ୍ଡାରିପୋଖରୀ ବ୍ଲକ ନେରଡା ପଞ୍ଚାୟତ ଯଶୋଟିକିରି ଖେଳ ପଡିଆ ଠାରେ ଚଳିତ ମାସ ୩୧ତାରିଖ ଠାରୁ ୨୬ତମ ମହାବୀର କ୍ରିକେଟ ଟୁର୍ଣ୍ଣାମେଣ୍ଟ ଆରମ୍ଭ ହେଉଛି । ପ୍ରଥମ କ୍ୱାଟରଫାଇନାଲ ଉତ୍କଳିକା ସ୍ପୋଟିଂ ବାସୁଦେବପୁର ସହିତ ମର୍ଣ୍ଣିଂଷ୍ଟାର ବାଲେଶ୍ୱର ମଧ୍ୟରେ ଅନୁଷ୍ଠିତ ହେଉଥିବାବେଳେ ଦ୍ୱିତୀୟ କ୍ୱାଟରଫାଇନାଲ ମ୍ୟାଚ ଯାଜପୁର ଟାଉନ ଓ ଟାଉନ କ୍ଲବ ଭୁବନେଶ୍ୱର ମଧ୍ୟରେ ଅନୁଷ୍ଠିତ ହେବ । ସେହିଭଳି ୨ତାରିଖ ଦିନ ତୃତୀୟ କ୍ୱାଟର ଫାଇନାଲରେ ୟୁନିକ୍ୟୁ ଭଦ୍ରକ ସହିତ ଜୁଭେନାଇଲ କ୍ରିକେଟ କ୍ଲବ କଟକ ମଧ୍ୟରେ ଅନୁଷ୍ଠିତ ହେଉଥିବାବେଳେ ଚତୁର୍ଥ କ୍ୱାଟରଫାଇନାଲ ମ୍ୟାଚ ଇଲେଭେନ ଷ୍ଟାର ଯାଜପୁର ଟାଉନ ସହିତ ୟୁନିକ୍ୟୁ ଇଲେଭେନ କେନ୍ଦୁଝର ମଧ୍ୟରେ ଅନୁଷ୍ଠିତ ହେବ । ଫେବୃଆରୀ ୪ ଓ ୫ରେ ସେମିଫାଇନାଲ ଖେଳ ଅନୁଷ୍ଟିତ ହେଉଥିବାବେଳେ ୭ତାରିଖ ଦିନ ଫାଇନାଲ ମ୍ୟାଚ ଖେଳ ଅନୁଷ୍ଠିତ ହେବ ବୋଲି କ୍ଲବର ମ୍ୟାନେଜର ଉମେଶ ଚନ୍ଦ୍ର ସ୍ୱାଇଁ ସୂଚନା ଦେଇଛନ୍ତି ।