ଗଞ୍ଜେଇ ଚାଲାଣ ଅଭିଯୋଗରେ ଜଣେ ଗିରଫ

ପାରଳାଖେମୁଣ୍ଡି, (ତାରିଣୀ ପ୍ରସାଦ ପଣ୍ଡା):ଗଞ୍ଜେଇ ଚୋରା ଚାଲାଣ ଅଭିଯୋଗରେ ଆଡ଼ବା ପୋଲିସ ହରିୟାଣର ରୋଷନ ଲାଲଙ୍କୁ ପୋଲିସ କୋର୍ଟଚାଲାଣ କରିଛି. ଅଭିଯୁକ୍ତ ନିକଟରୁ ପୋଲିସ ୨୧ କିଲୋ ୪୦୦ ଗ୍ରାମ ଗଞ୍ଜେଇ ଜବତ କରିଛି. ଏନେଇ ୧୩/୨୨ ରେ ଏକ ମାମଲା ରୁଜୁ ହୋଇଛି. ଅଡବା ଥାନା ଏସଆଇ ବି. ଏନ ରେଡ୍ଡୀ ଓ ଟିମ ମାନ୍ଦ୍ରାଜକୁ ଠାରେ ପାଟ୍ରୋଲିଂ କରିଥିବା ବେଳେ ସନ୍ଦେହରେ ଅଭିଯୁକ୍ତଙ୍କୁ ଧରି ପଚରାଉଚରା କରିଥିଲେ. ସେ ଧରିଥିବା ବ୍ୟାଗରେ ଗଞ୍ଜେଇ ଥିବା ଜଣା ପଡିବା ପରେ ପୋଲିସ ଗିରଫ କରିଥିଲା. ଏସଆଇ ଲକ୍ଷ୍ମଣ ବେସ୍ରା ଏହି ମାମଲାର ତଦନ୍ତ ଭାର ନେଇଛନ୍ତି.