ପାଲୁର ରୋଡ଼ ସ୍ଥିତ ଜାତୀୟ ରାଜପଥରୁ ୯୦୦ଲିଟର ବେଆଇନ ଦେଶୀ ମଦ ବୋଝେଇ କାର ସହ ଜଣଙ୍କୁ ଗିରଫ କଲା ଅବକାରୀ ବିଭାଗ

ଛତ୍ରପୁର, (ଦେବଦତ୍ତ ମହାରଣା):ଛତ୍ରପୁର ଉପକଣ୍ଠ ପାଲୁର ରୋଡ଼ ସ୍ଥିତ ଜାତୀୟ ରାଜପଥ ଉପରେ ଅଚାନକ ଚଢ଼ଉ କରି ଏକ କାର ଯୋଗେ ୯୦୦ଲିଟର ବେଆଇନ ଦେଶୀ ମଦ ଚାଲାଣ ହେଉଥିବା ଗାଡି କୁ ଧରିଲା ଅବକାରୀ ବିଭାଗ l ଗଞ୍ଜାମ ଅବକାରୀ ଅଧିକ୍ଷକଙ୍କ ନିର୍ଦେଶ କ୍ରମେ ରବିବାର ଭୋର ୪ଟାରେ ବିଶେଷ ସୂତ୍ରରୁ ଖବର ପାଇ ଛତ୍ରପୁର ସଦର ରେଞ୍ଜ ପକ୍ଷରୁ ଏକ ଇଣ୍ଡିକୋ କାର ଯୋଗେ ହେଉଥିବା ଦେଶୀ ମଦ (ପାଉଚ )ଚାଲାଣ ଗାଡି କୁ ପାଲୁର ରୋଡ଼ ସ୍ଥିତ ଜାତୀୟ ରାଜପଥ ରେ ଚଢ଼ଉ କରି କାବୁ କରିଥିଲା ଏହି ଟିମ l ଏହି କାର ରେ ଥିବା ୧୮ବସ୍ତା ରେ ୯ହଜାର ମଦ ପାଉଚ ଯାହା ପାଖାପାଖି ୯୦୦ଲିଟର ଦେଶୀ ମଦ କୁ ଜବତ କରିବା ସହ କାର ଚାଳକ ଙ୍କୁ ଗିରଫ କରିଥିଲା l ଓଡି 0୨ ଡ଼ି ୫୬୩୦ ନଂ ଇଣ୍ଡିକୋ ଗାଡି ସହ ଦେଶୀ ମଦ କୁ ଜବତ କରାଯାଇଛି l ଗିରଫ କାର ଚାଳକ ତଥା ମୁଖ୍ୟ ଅଭିଯୁକ୍ତ ଜଣକ ରମ୍ଭା ଥାନା ଅନ୍ତର୍ଗତ ବାଲିବଗଡ଼ ଅଂଚଳର ପ୍ରତାପ ବିଶ୍ୱାଳ ବୋଲି ଜଣାପଡିଛି l ସେ କାର ଯୋଗେ ଦେଶୀ ମଦ ନେଉଥିଲା ଆଖପାଖ ଅଂଚଳ ରେ ହୋଲସେଲ ରେ ବ୍ରିକ୍ରି କରିବା ନିମନ୍ତେ l ଏହି ଚଢ଼ାଉ ରେ ଅବକାରୀ ନିରୀକ୍ଷିକା ଦିପ୍ତିମୟୀ ସାହୁ,ଛତ୍ରପୁର ଅବକାରୀ ଥାନାର ଭାରପ୍ରାପ୍ତ ଅଧିକାରୀ ଧନଞ୍ଜୟ ପାତ୍ର, ସବ ଇନସିପେକ୍ଟର ଆଲୋକ କୁମାର ସାହୁ, ରାକେଶ ଖୁଣ୍ଟିଆ, ସୁବ୍ରତ କୁମାର ଦାସ , ଅଞ୍ଜନ କୁମାର ସାହୁ ଓ ଅନନ୍ତ କଅଁର ରହିଛନ୍ତି l ଏନେଇ ଆଜି ୭୨/୨୨ ନଂ ରେ ଏକ ମାମଲା ରୁଜୁ କରି ଗିରଫ ଅଭିଯୁକ୍ତ ଙ୍କୁ ଆଜି କୋର୍ଟ ଚାଲାଣ କରାଯାଇଥିବା ସୂଚନା ମିଳିଛି l